Ár kásiporyn bir múgedek jandy jumysqa almaq

Ońtústik Qazaqstan obly­syndaǵy ártúrli deńgeıdegi 30 myńnan astam kásiporyndar bir-bir múmkindigi shekteýli jandy jumysqa qabyldap, qamqorlyqqa alýdy maqsat tutyp otyr. Bul bas­tamany oblystaǵy kásip­kerler biraýyzdan qoldady. Shymkentke kelgen saparynda Eńbek jáne halyqty áleýmettik qorǵaý mınıstri Tamara Dúısenova osyndaı ıgilikti istiń kýási boldy. Búginde Ońtústik Qazaqstan oblysynda eńbekke jaramdy 28 myń múgedek jan bar. Shymkent qalasynda ótken múmkindigi shekteýli azamattardy eńbekpen qamtý máselesine arnalǵan oblystyq forýmda barlyq jumys berýshilerge arnalǵan úndeý qabyldandy. Sonymen qatar, endi qolǵa alynyp otyrǵan «Bárimiz birgemiz, myqty bolsyn irgemiz» aksııasy aıasynda taǵdyr tálkegine ushyraǵan azamattardy jumyspen qamtý isi kúsheıetini aıtyldy. Mınıstr bul forým ózge óńirlerge úlgi bolýy kerek ekenin aıta kele, ońtústikqazaqstandyq kásipkerlerdiń úndeýin elimizdegi 340 myńnan astam kásiporyn basshylary qoldaıtynyna senim bildirdi. Sonda ǵana alǵa qoıǵan maqsattardy, múddelerdi júzege asyrýǵa bolady. Sondaı-aq, mınıstr osy iske atsalysqan kásipkerlerge memleket tarapynan kómek bolatynyn basa aıtty. «Biz kásipkerlerdi múmkindigi shekteýli jandardy jumysqa alyń­dar dep qana qoımaı, jumys­pen qamtý baǵdarlamasy aıasynda qandaı kómek bolatynyn da túsindirip jatyrmyz. Eger kásip­ker­lerdiń qaramaǵynda osyndaı jarymjan jandar jumys istep jatqan bolsa, ol azamattardyń mamandyǵyn kóterýge qajetti qar­jynyń 70 paıyzyn memleket, 30 paıyzyn kásiporyndardyń ózderi kóteredi. Dál osylaısha jumyspen qamtý baǵdarlamasy arqyly eńbekaqysynyń 35 paıyzyn memleket, 65 paıyzyn jumys berýshiniń ózi tólep otyrady», deıdi T.Dúısenova. Oblys ákimi Asqar Myr­zah­metovtiń aıtýyna qaraǵanda, byltyr «Jumyspen qamtýdyń jol kartasy-2020» baǵdarlamasynyń 2-shi baǵyty boıynsha shaǵyn nesıe­men qamtamasyz etý úshin 3 mlrd. teńge, kásipkerlik negizderiniń oqy­týlaryna 46,6 mln. teńge bólingen. Osy baǵyttaǵy oqytý uıymy retinde oblystyq «Kásipkerlerge qyzmet kórsetý ortalyǵy» bel­gi­lenip, 2013 jyly 2 663 adamdy ká­sipkerlik negizderine oqytty. Oblystyń shaǵyn nesıelendirý jónindegi ókiletti óńirlik uıymy tarapynan baǵdarlamanyń 1 075 qatysýshysyna jalpy 2,5 mlrd. teńge nesıe berildi. Bul kúni oblys ortalyǵynda ótken múmkindigi shekteýli azamattarǵa arnalǵan bos jumys oryndary jármeńkesinde 90 jumys berýshiden 1000-nan as­tam jumys orny usynyldy. Jár­meńkede 252 múgedek azamat tu­raqty jumysqa ornalasty. Jalpy alǵanda «Jumyspen qam­týdyń jol kartasy-2020» baǵ­darlamasyn júzege asyrý boıyn­sha Ońtústik Qazaqstan oblysy birinshi orynda kele jatyr. Byl­tyr elimizde atalǵan baǵ­dar­lama boıynsha eńbekke ara­lasqandardyń 33,8 paıyzyn oń­tús­tikqazaqstandyqtardyń quraýy osy sózimizdiń aıqyn dáleli. Sondaı-aq, aldaǵy ýaqytta dári­gerler men muǵalimderge jala­qy olardyń bilim deńgeıine, bilik­tiligine, jumystarynyń qıyndyǵy men jaýapkershilik dárejesine qaraı tólenedi. Bul mádenıet jáne sport salasynyń mamandaryna da qatysty. Iаǵnı dáriger, muǵalim jáne áleýmettik qyzmetkerlerge eńbekaqy tóleý­diń jańa júıesi 2015 jyldyń 1 shildesinen bastap engiziledi. Bul jańa júıeniń basty maqsaty – ár salada eńbek etip júrgen negizgi qyzmetkerlerdi anyqtap, olardyń eńbegin durys baǵalaý. О́ıtkeni, búginde elimizde dárigerler jala­qysynyń 38 paıyzy, al muǵa­limder eńbekaqysynyń 48 paıyzy ǵana negizgi qyzmetteri úshin tó­lenedi. Jalaqynyń qalǵan bóli­gin qosymsha jumystar úshin beri­letin tólemder quraıdy. Bas­qasha aıtqanda, dáriger naýqasty emdegeni, muǵalim balany oqyt­qany úshin alatyn aqysy onyń barlyq jalaqysynyń jartysyna da jetpeıdi. – Bizdińshe, bul durys emes. Adamdardyń eńbegi óz maman­dyǵy boıynsha atqarǵan negizgi jumysyna qarap baǵalanýy kerek. Sonda adamdar qosymsha ju­mystarmen áýestenbeı, ózderiniń biliktiligin arttyrýǵa nazar aýdarady, – dedi T.Dúısenova. Oralhan DÁÝIT, «Egemen Qazaqstan». Ońtústik Qazaqstan oblysy.