Onda úshinshi megapolıs ákimi Memleket basshysy tapsyrmalarynyń oryndalýy men qalanyń áleýmettik-ekonomıkalyq damýy týraly baıandady.
Shymkentte ótken on bir aıda barlyq salada ekonomıkalyq ósim dınamıkasy baıqaldy. Ekonomıkanyń negizgi sektorlaryna jeke toqtalar bolsaq, ótken jyldyń tıisti kezeńimen salystyrǵanda ónerkásip ónim kóleminiń ındeksi 6,3 paıyzǵa, ınvestısııa kólemi – 55 paıyzǵa, qurylys jumystary – 9,6 paıyzǵa, paıdalanýǵa berilgen turǵyn úıler alańy – 63,6 paıyzǵa, bólshek saýda kólemi – 9,8 paıyzǵa artqan.
Murat Áıtenov turǵyndardyń ómir súrý sapasyn arttyrý, olarǵa jaıly ári qaýipsiz orta qalyptastyrý jónindegi mindetter birinshi kezekte atqarylýy tıis jumystar retinde belgilenip, qalanyń ınjenerlik ınfraqurylymyn damytýǵa aıryqsha kóńil bólingenin jetkizdi.
«Bes jyl ishinde halyqty 100 paıyz taza aýyz sýmen qamtamasyz etýimiz qajet. Búginde Shymkentte 5 eldi meken kestemenge aýyz sý berilse, 7 eldi meken jetkizip berip otyrmyz. 2021 jyly 16 mlrd teńgege sý qubyrynyń qurylysy júrgizilýde. Nátıjesinde 25 myńnan astam adam sapaly aýyz sýmen qamtylady. Jospar boıynsha 2023 jyly aýyz sý máselesi tolyǵymen sheshiledi. 16 eldi mekende elektr energııasynyń sapasy tómen. Bıyl 9,8 mlrd. teńgege 19 nysannyń qurylysy júrgizilýde. Nátıjesinde qamtý deńgeıi 95 paıyzdan 97 paıyzǵa jetedi. Bıyl gazben qamtý boıynsha 5,9 mlrd teńgege 18 nysannyń qurylysy júrgizilýde. Qalany gazdandyrý máselesi 2025 jyly tolyǵymen sheshiledi», dedi qala ákimi.
Bıylǵy jyly turǵyndardy káriz júıesimen qamtý deńgeıi 52 paıyzdan 54 paıyzǵa jetedi. Damý jospary boıynsha 2025 jyly kárizben qamtý kórsetkishi 75 paıyzǵa jetpek.
