Otyrys «ZOOM» arqyly onlaın-formatta ótti.
Darhan Myńbaıdyń tóraǵalyǵymen jáne Aqparat jáne qoǵamdyq damý mınıstri Aıda Balaevanyń qatysýymen ótken otyrystyń kún tártibi «Ulttyq rýhanı jańǵyrý» ulttyq jobasynyń, sondaı-aq Qazaqstan Táýelsizdiginiń 30 jyldyǵyn merekeleý aıasyndaǵy is-sharalar josparynyń suraqtaryna arnaldy.
«Rýhanı jańǵyrý» baǵdarlamasyn úılestirý departamentiniń dırektory Ý. Tnalıev 21 kórsetkish pen 66 iri is-sharany qamtıtyn «Ulttyq rýhanı jańǵyrý» ulttyq jobasynyń negizgi úsh baǵytyn iske asyrý barysy týraly baıandady.
О́z kezeginde, Azamattyq qoǵam isteri komıtetiniń tóraǵasy M. Qojahmet Qazaqstan Táýelsizdiginiń 30 jyldyǵyn merekeleýge josparlanǵan 101 is-sharanyń 75-in iske asyralǵany týraly habardar etti.
«Qalǵan is-sharalar respýblıkalyq josparǵa sáıkes belgilengen merzimde jeltoqsan aıynyń sońyna deıin júzege asyrylatyn bolady», dedi M. Qojahmet.
Qoǵamdyq keńes músheleri Mınıstr A.Balaevanyń 2022 jyly azamattyq qoǵam ókilderiniń qatysýymen qoǵamdyq keńesterdiń taqyryptyq aptalyǵyn ótkizý jónindegi ıdeıasyn qoldady.
Darhan Myńbaı bul ıdeıanyń ózektiligin erekshe atap ótti. Ol Aqparat jáne qoǵamdyq damý mınıstrligi Qoǵamdyq keńesterdiń qyzmeti jónindegi ýákiletti ortalyq memlekettik organ ekendigin aıtty.
A.Balaevanyń aıtýynsha, bul shara azamattyq qoǵamnyń mańyzdy ınstıtýtynyń aldyn-ala qorytyndylaryn shyǵarý úshin de, sondaı-aq olardyń Qazaqstandaǵy qyzmetin odan ári jetildirý boıynsha tásilderdi ázirleý úshin de ózekti.
Otyrys qorytyndysy boıynsha Qoǵamdyq keńes músheleri vedomstvonyń júrgizip otyrǵan jumysynda eskeriletin usynymdar ázirledi.
Qoǵamdyq keńestiń kezekti otyrysyn 2022 jyldyń I toqsanynda ótkizý josparlanyp otyr.
