Basqarma basshysynyń aıtýynsha, bir rettik zeınetaqy tólemin paıdalaný erejesine ózgerister engizý prosesin jedeldetý týraly sheshim qabyldandy.
«Indýstrııa jáne ınfraqurylymdyq damý mınıstrligi buıryqty merziminen buryn jarııalaýdy josparlap otyr. Bizdiń klıentter úshin erejege engizilgen bul ózgerister jańa múmkindikterge jol ashady. Biz depozıtterdi tolyqtyrý batyrmasyn 2021 jyldyń 16 jeltoqsanynda qosyp, tórt demalys kúni arnaıy shot pen depozıt ashýǵa daıynbyz», dep jazdy Ibragımova Facebook paraqshasynda.
Ol muny www.enpf-otbasy.kz platformasynda onlaın rejıminde isteýge bolatynyn aıtty.
«Aqparat qaýipsizdigi maqsatynda platforma qazaqstandyq IP mekenjaılarda ǵana qoljetimdi jáne planshet nemese stasıonarlyq kompıýterde jumys isteýge laıyqtalǵan. Eger bireýdiń portalǵa kire almaı jatqany týraly jazbasyn kórseńiz, bul jazba avtorynyń VPN arna arqyly túsiniksiz saıttarǵa kirip, endi platformaǵa kire almaı jatqanyn bildiredi. О́nimderdi qaraý úshin fılıal qyzmetkerlerin qashyqtan jumys isteýge qosýdy bastaımyz», dep atap ótti ol.
«Otbasy bank» AQ basshysy bank bólimshelerine kelýdiń ornyna operatormen vıdeobaılanys arqyly qosylýǵa shaqyrdy.
Sondaı-aq Ibragımova BJZQ-daǵy burynǵy jetkilikti shekti qoldaný merziminiń uzartylýyna qatysty da pikir bildirdi.
«Prezıdent Qasym-Jomart Toqaev úkimetke burynǵy jetkilikti shekti qoldaný merzimin 2022 jyldyń 1 sáýirine deıin uzartýdy tapsyrdy. Eń aldymen bul 200 myńǵa jýyq salymshyǵa óziniń bir rettik zeınetaqy tólemin paıdalanýǵa múmkindik beredi. Eńbekke qabiletti 170 myńǵa jýyq qazaqstandyq bir apta ishinde ótinish bergen. Eger eldegi otbasynyń ortasha koeffısıenti 3.8 bolsa, onda 640 myń adam ketip bara jatqan poıyzdyń vagonyna sekirýge tyrysqandaı boldy. Endi asyqpaı aqylǵa qonymdy sheshimder qabyldaýǵa bolady. О́tinim berýshige qarajatty paıdalaný maqsatyn rastaýǵa 45 jumys kúni beriledi. Eger aqsha búgin tússe, jeltoqsandaǵy merekelerdi eskerip, 20 aqpanǵa deıin ýaqyt bar dep esepteýge bolady», dep túıindedi ol.
Aıta keteri,«Otbasy bank» – elimizdegi turǵyn úı qurylys jınaq júıesindegi jalǵyz bank.
El Prezıdenti qyrkúıektegi joldaýynda qazaqstandyqtardyń zeınetaqy jınaǵynyń bir bóligin jetkilikti shekten asqan jaǵdaıda «Otbasy bank» shotyna aýdara alatyny týraly aıtqan. Toqaevtyń sózinshe, bul shara qarajat jınaý jáne ony saýatty basqarýǵa yntalandyrady.
