«Onyń ishinde, konsýltatıvtik-dıagnostıkalyq kómekke – 10,9 mlrd, stasıonardy almastyratyn kómekke – 3,9 mlrd, skrınıngtik zertteýlerge – 257,5 mln, onkogemotologııaǵa – 300,8 mln jiberilgen», dep habarlaıdy «Áleýmettik medısınalyq saqtandyrý qory» KEAQ Nur-Sultan qalasy boıynsha fılıalynyń baspasóz qyzmeti.
«Qazirgi kúni Qor Nur-Sultan qalasy boıynsha 113 medısınalyq qyzmet jetkizýshimen shart jasady, onyń 76-sy – jekemenshik klınıkalar. Jyl ótken saıyn turǵyn halyqqa medısınalyq qyzmet kórsetetin jekemenshik qyzmet jetkizýshiler úlesi artýda. Bul pasıenttiń úzdik klınıkany tańdaýyna múmkindik beredi. Medısınalyq qyzmet jetkizýshiler tizimin Qordyń fms.kz saıtynan qaraýǵa bolady», dedi Áleýmettik medısınalyq saqtandyrý qory elorda fılıalynyń basshysy Nurlybek Qabdyqaparov.
Fılıal basshysynyń aıtýynsha, 2021 jyldyń aldyn ala qorytyndysy boıynsha Qor aktıvi esebinen elorda stasıonarlarynda josparly túrde 91 460 pasıent emdeldi, buǵan 43 mlrd 537 mln 25 myń teńge jumsaldy.
Aqparattyq júıelerden alynǵan málimetter boıynsha, josparly emdeýge jatqyzýǵa kezektiń tómendegeni baıqalady. Pasıentterdiń 1%-y ǵana aýrýhanaǵa jatý úshin bir aıdan asa ýaqyt kútken. 2020 jyly pasıentterdiń 5%-y bir aıdan astam kútý paraǵynda turǵan.
2021 jyly 28 myńnan asa bosandyrý qyzmeti qarjylandyrylǵan.
«О́tken jylmen salystyrǵanda, 2021 jyly júrgizilgen ota sany artyp otyr. Tek joǵary tehnologııalyq medısınalyq qyzmettiń kómegimen qosymsha MÁMS boıynsha 5,8 myń ota jasalyp, oǵan 13,4 mlrd teńge jumsaldy. Kardıohırýrgııalyq ota 2 myń pasıentke jasalsa, neırohırýrgııalyq ota (neıronavıgasııalyq júıe qoldanylǵan) – 1 myń asa adamǵa, ortopedııalyq ota – 2 myńnan asa pasıentke jasaldy», dedi «Áleýmettik medısınalyq saqtandyrý qory» KEAQ Nur-Sultan qalasy boıynsha fılıalynyń dırektory Nurlybek Qabdyqaparov.
