Oǵan tıisti ortalyq memlekettik jáne jergilikti atqarýshy organdardyń ókilderi, sondaı-aq mádenıet salasyndaǵy mamandar qatysty.
Keńes barysynda kınematografııa jáne teatr óneri salasyndaǵy birqatar ózekti máseleler qaralyp, olardy júıeli sheshý joldary talqylandy.
Qazir Qazaqstanda 65 teatr jumys isteıdi, onyń 54-i memlekettik, 11-i jeke menshik teatr. Táýelsizdik jyldary elimizde 21 memlekettik teatr ashyldy, 10 teatrǵa jańa ǵımarattar salyndy. Mártebesin kóterý maqsatynda 3 teatrǵa «Ulttyq», 9 teatrǵa – «akademııalyq» mártebesi berildi.
Keńes barysynda Premer-Mınıstrdiń orynbasary teatrlarda kórkemdik deńgeıi eshqandaı synǵa tótep bere almaıtyn qoıylymdar bar ekenin, óıtkeni olarda tarıhı oqıǵalardy burmalaý faktileri kezdesetinin atap ótti. Bul rette ol kórkemdik keńesterdiń maquldaýynsyz qoıylymdardyń iske asyrylýyna jol bermeý, sondaı-aq olardyń quramyna tarıh salasyndaǵy mamandardy engizý qajettigin atap ótti.
Sonymen birge, Eraly Toǵjanov teatr synshylary ınstıtýtyn damytýdyń mańyzdylyǵyn atap ótip, olarǵa qoldaý kórsetýdi tapsyrdy.
Úkimet basshysynyń orynbasary kınematografııa salasyndaǵy birqatar máselege de nazar aýdardy. Qazirgi ýaqytta respýblıkada 110 kınoteatr óz qyzmetin júzege asyrady, onyń 29-y memlekettik menshikte. 1991 jyldan bastap «Qazaqfılm» kınostýdııasy 600-den astam fılm túsirdi. Alaıda, eńbeksúıgishtikti, azamattyq jaýapkershilikti, patrıotızmdi, sportty nasıhattaıtyn sýretter jetkiliksiz.
Eraly Toǵjanov kıno jáne teatr salasynda júıeli qundylyqtar aıasynda taqyrypty anyqtaýdy usyndy.
Keńes qorytyndysy boıynsha Premer-Mınıstrdiń orynbasary Mádenıet jáne sport mınıstrligi men óńirler ákimdikterine kınematografııa jáne teatr óneri salalaryn damytý boıynsha júıeli sharalar qabyldaý týraly birqatar naqty tapsyrmalar berdi.
