«Sheteldikterge qatysty sot elden shyǵarý týraly sheshim qabyldady, al shaqyrýshy tarapqa qatysty ýaqtyly shyǵý boıynsha sharalar qabyldaǵany úshin aıyppul salynyp, bıletter satyp alý týraly nusqama berildi. Sheteldikterdi shaqyrǵandarǵa shyǵý boıynsha sharalar qabyldanbaǵan jaǵdaıda, qarjy sot tártibimen óndirip alynatyn bolady», dep jazady QR IIM baspasóz qyzmeti.
IIM aqparaty boıynsha, kóshi-qon zańnamasyn buzýshylardy elden shyǵarý týraly sottyń 852 sheshimi shyǵarylǵan. 165 sheteldik májbúrlep shyǵaryp jiberý úshin arnaıy qabyldaý oryndaryna qamaldy. Elden 239 sheteldik májbúrlep shyǵaryldy.
Kóshi-qon zańnamasyn buzǵany úshin 35 qylmystyq quqyq buzýshylyq, onyń ishinde 7-i memlekettik shekarany zańsyz kesip ótýge jáne 28 qylmystyq is sheteldikterge elimizde zańsyz bolýǵa járdem kórsetkeni úshin qozǵaldy.
Izdeýde júrgen 68 qylmysker, onyń ishinde 9 TMD azamaty ustaldy.
«Mysaly, Pavlodar oblysynda azamattyqty anyqtaý úshin qujattardy qabyldaý kezinde kóshi-qon qyzmetiniń qyzmetkerinde memlekettik qyzmetti alýǵa ótinish bildirgen adamnyń izdeýde bolýy múmkin degen kúdik paıda boldy. Polısııa qyzmetkeri sońǵy úsh jylda qylmyskerlerdi izdestirý boıynsha jumys jasady, nátıjesinde qylmysker adam anyqtaldy», dep qosty vedomstvonyń baspasóz qyzmeti.
Bul týraly ol jedel túrde qylmystyq polısııa qyzmetkerlerine habarlady. Er adamdy Reseı Federasııasynyń Omby oblysynda qos kisi óltirgeni úshin quqyq qorǵaý organdary izdestirdi jáne osy ýaqyt ishinde ol Qazaqstannyń shalǵaı jerlerinde malshy bolyp jumys istegen.
Sonymen qatar, Atyraýdaǵy qurylys nysandarynda tıisti ruqsatsyz eńbek qyzmetin zańsyz júzege asyrǵan 170-ke jýyq sheteldik anyqtaldy.
Osyndaı quqyq buzýshylyqtar Almaty, Almaty, Shyǵys Qazaqstan jáne Túrkistan oblystarynda da anyqtaldy.
Polısııaǵa sheteldik azamat týraly ýaqtyly habarlamaǵany úshin 4 987 jeke jáne zańdy tulǵa, qaıyrshylyq úshin 42 sheteldik tartyldy.
Vedomstvo atap ótkendeı, kóshi-qon zańnamasyn qasaqana buzǵandardy anyqtaý «Mıgrant» jedel-aldyn alý is-sharasy aıasynda júrgizildi.
Sonymen qatar, 564 otandyq jumys berýshi sheteldik jumys kúshin zańsyz paıdalanǵany úshin ákimshilik jaýapkershilikke tartyldy.
