Osyǵan baılanysty Aýyl sharýashylyǵy mınıstrliginiń baspasóz hatshysy túsinikteme berdi.
«Aldymen, shoshqa men qoı – fızıologııasy men genetıkasy boıynsha ártúrli janýar. Qoıdaǵy hromosomalardyń sany – 54, al shoshqada – 38. Hromosomalar sanyndaǵy bul aıyrmashylyq shoshqa nemese qoıdyń jańa túrlerin shyǵarý úshin tájirıbe jasaýǵa kelmeıdi degendi bildiredi. Bul degenimiz, ǵylymı turǵyda múmkin emes. Álemde mundaı jumys túrleri júrgizilmeıdi. Basqa-basqa Qazaqstanda atymen joq ári bolýy múmkin emes. Býdandastyrǵan kúnniń ózinde bul janýarlar uryq bermeıdi. Qazirgi ýaqytta álemdik deńgeıde qoı men shoshqanyń ómirsheń býdandary týraly aqparat ta joq», dep jazdy mekemeniń baspasóz hatshysy Damır Aspan.
Sondaı-aq, ol áleýmettik jeli qoldanýshylary arasynda taralǵan vıdeodaǵy janýardyń qaıdan shyqqanyn jazdy.
«Al jelide tarap jatqan vıdeoda shoshqa tárizdi qoı emes, Mangalııa shoshqa tuqymy beınelengen. Ol 19 ǵasyrda eski Vengr shoshqa tuqymdary (Bakonı jáne Szalontaı) men Eýropalyq qabandy býdandastyrý negizinde ósirilgen. О́ziniń tózimdiliginiń arqasynda Vengrııada jıi kezdesedi», deıdi ol.
