Madrıdtiń «Realy» biraz ýaqyttan beri Kıllıanǵa kóz tikkeni belgili. Parıjdik klýbtyń basshylyǵyna «quda túsip» kóńili qalǵan koroldik klýb prezıdenti Florentıno Peres endi 2022 jyldy asyǵa kútip otyr. Tek 2022 jyldyń qaı mezgilinde degen ǵana saýal kún tártibinde tur. Dál qazir Mbappeniń parıjdiktermen kelisimshartynyń aıaqtalýyna bir jyldan az ýaqyt qaldy. Al jyl buryn fransııalyq komanda basshylary fýtbolshyny 160 mıllıon eýroǵa jibermeı qoıǵan edi. Soǵan qaraǵanda Kıllıan kelisim sharty aıaqtalǵan kezde, ıaǵnı, 2022 jyldyń jazynda «Realdyń» jeıdesin kıetin shyǵar. Alaıda klýb basshylary fýtbolshyny qańtar aıynda satyp alýǵa da tyrysýy múmkin.
«Manchester sıtı» fýtbolshysy Ferran Torrestiń aǵylshyn klýbymen kelisim sharty 2025 jylǵa deıin ekeni belgili. Alaıda fýtbolshy qańtar aıynda ıspanııalyq «Barselonanyń» sapyna aýysýy yqtımal. Fýtbolshynyń ózi «Barselonada» oınaǵysy keletinin aıtqan bolatyn. О́z kezeginde katalonııalyq klýb jetekshileri de Torresti asyǵa tosyp otyrǵanyn jetkizgen.
«Manchester Iýnaıted» fýtbolshysy Pol Pogbanyń klýb aýystyrýy yqtımal degen áńgime taraǵaly da biraz jyl boldy. Bul áńgimelerge núkte qoıylatyn kez kelgen sekildi. Maýsym sońynda Pogbanyń aǵylshyn klýbymen kelisimsharty aıaqtalady. Ispanııanyń «Realy», Italııanyń «Iýventýsy» jáne parıjdik «PSJ» fýtbolshyny qataryna qosýdan úmitti.
«Barselona» sapynda ártúrli maýsymda birtúrli oıyn órnegin kórsetken Ýsman Dembeleni «Tottenhem» men «Iýventýs» fýtbol klýbtary qushaq jaıa qarsy alýǵa ázir. Áıtkenmen ol «Nıýkaslǵa» barýy ábden múmkin. Katalondyq klýbtyń bapkerlik quramy Dembeleniń tártibin jaqtyrmaıtynyn, fýtbolshynyń kelisimshartynyń kelesi jyly aıaqtalatynyn eskersek, Ýsmannyń klýb aýystyratyny talas týdyrmaıdy.
«Napolı» sapynda jasyndaı jarqyrap júrgen Lorenso Insıneniń de komanda aýystyratyn ýaqyty jaqyndap qaldy. Klýb basshylarynyń jańa erejesine kóńili tolmaı júrgen fýtbolshy ózi uzaq jyl namysyn qorǵaǵan «Napolıden» ketetin sekildi. О́ıtkeni ol jalaqysynyń tómendegenin qalamaıdy. Fýtbolshyǵa «Inter», «Chelsı», «Tottenhem», «Nıýkasl» komandalary qyzyǵýshylyq tanytyp otyr.
