* Astanada bıyl geologııalyq zertteý ortalyǵy salynady. Onyń qurylysy jyldyń sońyna qaraı bastalady. Indýstrııa jáne jańa tehnologııalar vıse-mınıstri Nurlan Saýranbaevtyń aıtýynsha, ortalyq óz aldyna geologııalyq klaster retinde qalyptasady.
* «QazAgro» Ulttyq basqarýshy holdıngi» 100 mln. AQSh dollary kóleminde jeńildetilgen nesıe tartty. Ol elimizdegi agroónerkásip keshenin qarjylandyrýdy júzege asyrýǵa, holdıngtiń aınalym kapıtalyn tolyqtyrýǵa baǵyttalady. Jasalǵan mámile memlekettik baǵdarlamalardy qoldaý maqsatynda «QazAgro» men halyqaralyq bankter arasynda qyzmettestiktiń kórneki mysaly bolyp tabylady.
*Pavlodarda «Bıznestiń jol kartasy-2020» baǵdarlamasy aıasynda 12 joba maquldandy. Muny baıandaǵan «Damý» qory aımaqtyq fılıalynyń bas menedjeri Aıgúl Álibekova jobalardyń jalpy somasy 1 mlrd. teńgeni quraıtynyn aıtty. Olardyń arasynda júk tasymaldaryn uıymdastyrý, jıhaz óndirisi, sport salasynda qyzmet kórsetý bar.
*Almatyda mereke qarsańynda 80 áıel baspanaly boldy. Olardyń kiltterin halyqaralyq áıelder kúnine arnalǵan sharada tapsyrǵan qala ákimi Ahmetjan Esimov «Qoljetimdi baspana-2020» baǵdarlamasy aıasynda atqarylyp jatqan jumystarǵa toqtalyp ótti.
*2013 jyly respýblıkalyq bıýdjet kirisindegi shıkizattyq emes sektordyń úlesi 76 paıyzǵa jýyqtady. О́tken jylǵy kiristiń 75,8 paıyzy shıkizattyq emes sektorǵa tıesili boldy. Bul 2012 jylmen salystyrǵanda, 2,3 paıyzǵa joǵary.
*Qyzylordanyń kópqabatty úılerine tuńǵysh ret ystyq sý berildi. Oblys ákimi Qyrymbek Kósherbaevtyń eki jyl ishinde bul problemany sheshý jónindegi ýádesiniń basy osylaı júzege asa bastady. Oblys ortalyqtary arasynda ystyq sýy joq jalǵyz shahar sanalyp kelgen eldi mekende ázirge bul ıgilikti qanatqaqty joba negizinde 40 páterli eki úı kóre bastady. Qazir oblys ortalyǵyn tolyq ystyq sýmen qamtý úshin 45 mln. teńgege tehnıkalyq-ekonomıkalyq negizdeme daıyndalýda.
*Qostanaıda kólik júrgizetin boıjetkenderdiń baıqaýy ótkizildi. Osymen qatarynan altynshy jyl polıseıler uıymdastyryp kele jatqan konkýrstyń qorytyndysynda 10 básekelestiń arasynda Olga Kım esimdi arý jeńimpaz atandy.
*Batys Qazaqstanda bes aýyl ákiminiń ústinen qylmystyq is qozǵaldy. Oblystyń Jánibek aýdanynda oryn alǵan bul oqıǵa bıýdjet qarjysyn ysyrap etýdiń negizinde oryn alyp otyr.
BNews.kz, Nur,kz, Egemen.kz
habarlary boıynsha daıyndaldy.
