Dúısen Qorabaıuly 1947 jyly 10 naýryzda Reseıdiń Altaı ólkesi, Bıısk qalasynda dúnıege keldi.
Qurmanǵazy atyndaǵy memlekettik óner ınstıtýtyn bitirgen.
Eńbek jolyn Qazaq radıosy men televızııasy kameralyq orkestiriniń ártisi bolyp bastady. Qurmanǵazy atyndaǵy Almaty memlekettik konservatorııasynyń aǵa oqytýshysy, Mehıko fılarmonııasy orkestiniń ártisi, Almaty memlekettik konservatorııasy dosentiniń mindetin atqarýshy, skrıpka kafedrasynyń meńgerýshisi boldy.
Qyzmeti:
1984-1987 jyldary - Qazaqstan Kompartııasy OK nusqaýshysy;
1987-1997 jyldary - Qurmanǵazy atyndaǵy Almaty konservatorııasynyń rektory;
1997-2002 jyldary - QR Bilim jáne mádenıet mınıstrliginde mádenıet departamentiniń dırektory, Bilim, mádenıet jáne densaýlyq saqtaý mınıstrliginde mádenıet komıtetiniń tóraǵasy, Mádenıet, aqparat jáne qoǵamdyq kelisim mınıstrliginde mádenıet komıtetiniń tóraǵasy, vıse-mınıstr.
2002-2003 jyldary - «Degdar» gýmanıtarlyq qorynyń prezıdenti;
2003-2004 jyldary - QR Mádenıet mınıstri;
2004-2008 jyldary - QR SIM erekshe tapsyrmalar jónindegi elshisi;
2008 jyldan bastap - TÚRKISOI-dyń bas dırektory.
Qazaqstan ónerine eńbek sińirgen qaıratker ári professor Dúısen Qorabaıuly «Tarlan» syılyǵymen, «Qurmet», «Parasat», Reseıdiń «Dostyq», Polshanyń «Polıak mádenıetine sińirgen eńbegi úshin» ordenderimen, medaldarmen marpattalǵan.
