Festıvaldiń maqsaty – jańa qoıylymdardyń shyǵarmashylyq sapasy, onyń ishinde akterlerdiń tabysty jumysyn anyqtaý. Akterlerge serpin berip, kórermen men teatr arasyndaǵy baılanysty nyǵaıtý.
«Buryn bul festıval «Teatr kóktemi» dep ataldy. Biraq festıvaldiń aty ózgerse de, bir jylda jasalǵan jumystardyń nátıjesin shyǵarý bolyp tabylatyn maqsat-máni ózgermek emes. Rejıssýra, akterlik óner, ssenografııaǵa kóńil aýdaryp, bıylǵy festıvaldi Táýelsizdiktiń 30 jyldyǵyna arnap, arnaıy shara retinde ótkizdik. Festıval aıasynda kórermen nazaryna bes spektakl usynyldy, olar: «Ekeýmiz», «Barymen bazar», «Oń qol», «Týǵan kún», «Peri qatyn» spektaklderi. Shedevr jasap tastadyq degennen aýlaqpyz, osy spektaklderdi sahnaǵa daıyndaý barysynda qandaı qatelik oryn aldy, jetistigi nede degen suraqtardy saraladyq. Sol úshin sarapshylar alqasy shaqyrylyp, mamandardyń pikirine qulaq túrdik» dedi teatr dırektory Erkin Jýasbek.
Buqaralyq aqparat quraldary ókilderi qatysqan baspasóz máslıhatynda teatrdyń kórkemdik jetekshisi, KSRO halyq ártisi Asanáli Áshimov maýsym aralyǵynda sahnalanǵan spektaklderdiń ıdeıalyq mazmuny men kórkemdik qundylyǵyna toqtalyp, búgingi kórermen talǵamynan shyǵatyn, qoǵam shyndyǵyn qozǵaǵan taqyryptarǵa basa nazar aýdaratynyn atap ótti.
Teatrdyń shyǵarmashylyq baǵyt-baǵdaryn belgileýde mańyzy zor «Qarashańyraq» festıvaliniń bıylǵy uıymdastyrylýynda jańalyq mol. Jeńimpazdar túrli atalymdar boıynsha júldege ıe boldy. Atap aıtqanda, bıyl alǵash ret «Jeltoqsan oqıǵasyna – 35 jyl» atalymy engizilip, demokratııalyq jańarýdyń basy bolǵan sol qaHarly kúnderde alańdaǵy jastar ishinen tabylyp, jazalanyp, keıin aqtalǵan erli-zaıypty teatr ártisteri Úsipáli men Gúlnar Seıtimbetter 75 000 syıaqyǵa ıe boldy.
«Úmit» júldesimen Ádilet Bazarbaı men Indıra Qulmaǵanbetova, «Kásibı jetistigi úshin» Ǵalymbek Ospanov, Madına Kelgenbaı, Asan Májıt, Láılá Tileýovanyń rólderi atap ótildi.
«Serke Qojamqulov»» atyndaǵy júlde Tóleýbek Aralbaı, «Áshiráli Kenjeev» atyndaǵy júlde Jumaǵalı Mahanov, «Farıda Sháripova» atyndaǵy júlde Nazgúl Qarabalına, «Rahııa Qoıshybaeva» atyndaǵy júlde Gúlshat Tutova, «Zámzágúl Sháripova» atyndaǵy júlde Shynar Janysbekova, «Marfýǵa Baızaqova» atyndaǵy júlde Nurjan Beksultan, «Qaırat Súgirbekov» atyndaǵy júlde Elik Nursultanǵa tabystaldy. Al bıylǵy festıvaldegi «Úzdik er adam beınesin» Baýyrjan Qaptaǵaı men «Úzdik áıel adam beınesin» Danagúl Temirsultanova ıelendi. Jeńimpazdardyń barlyǵy arnaıy dıplom men qarjylaı syılyqqa ıe boldy.
Budan ózge teatr óneri men shyǵarmashylyq eńbekti keńinen nasıhattap, aqparattyq qoldaý kórsetken BAQ ókilderine de sertıfıkattar tabystaldy.
ALMATY
