Qazaqstan • 16 Jeltoqsan, 2021

Qasıetti mekenim

45 ret kórsetildi

Bul ólke bizder úshin baq, qut der ek.

Osynda baqyt kiltin taptyq der ek.

Aıyrylyp ata-jurttan qalmaý úshin

Baýyrlar, birlik kerek, saqtyq kerek.

 

Dushpannyń jobalarsyń túr-tulǵasyn,

Qaıtkende bolý kerek rýhyń basym.

«Aqtaban shubyryndy» eske oralyp,

«Alqakól sulamaly» kún týmasyn!

 

«Qarataýdyń basynan kósh keledi,

Móltildep qara kózden jas keledi».

Tarıhı oqıǵany sýrettegen

Túsedi jyraýlardyń eske óleńi.

 

Erlerdiń baǵdarlasaq erlik isin,

Zamannan saralasaq belgilisin,

Tarıhta barlyq soǵys

Bolǵan eken

Jer úshin, Otan úshin, teńdik úshin.

 

Azattyq – júregimniń asyl áni,

Kók týym kózime ottaı basylady.

Táýelsiz, erkin elde urpaq úshin,

Armannyń bar gúlderi ashylady.

 

Tursyn dep tún de tynysh, tań da qutty,

Qarsy alyp kerýenin máńgi ýaqyttyń.

Ultynyń múddesi úshin, erteńi úshin,

Tas túıin bola bilgen el baqytty!

 

Quıylyp kók aspannan kórkine nur,

Jatyr-aý meıirlenip altyn óńir.

Baǵynbaı  basqa jurtqa,

Endi qazaq

Súrse eken óz jerinde erkin ómir!

 

Sanaly jas urpaqqa til qatamyn.

Tereńde – maǵynasy bul batanyń.

Imandy júrekpenen súıe bilseń,

Baqyttyń tuǵyry ǵoı nurly Otanyń!!!

 

Oılanbaı kún keshýdiń ózi aıyp qoı,

Qaı kezde aqyndarda azaıypty oı?

Jas ulan, basqa jaqtan baq izdeme,

О́z eliń, óz Otanyń ǵajaıyp qoı!!!

 

Kúlásh Ahmetova,

aqyn, Memlekettik syılyqtyń laýreaty

 

Sońǵy jańalyqtar

Jastar qalaýy – jarqyn keleshek

Referendým-2022 • Keshe

Referendýmdy qoldaýǵa úndeý jasady

Referendým-2022 • Keshe

Aǵa býynnyń aıtary bar

Referendým-2022 • Keshe

Áljannyń kise belbeýi

Tarıh • Keshe

Uqsas jańalyqtar