Oblys ákimi baspasóz qyzmetiniń habarlaýynsha, Pavlodar oblysynyń Joba jeke ınvestor men «Pavlodar» áleýmettik-kásipkerlik korporasııasynyń áriptestigi sheńberinde júzege asyryldy. Osynyń arqasynda óńirde jergilikti tazartylǵan kúnbaǵys maıyn óndirý bastaldy. Jańa óndiristiń quny 185 mıllıon teńgege jýyq.
- Biz qazirdiń ózinde jyl saıyn 5 myń tonna kúnbaǵys tuqymdaryn óńdeımiz, jańa jeli iske qosylǵan soń 960 tonna tazartylǵan maı alatyn bolamyz, - deıdi «Pavlodar agrokesheni» JShS-iń basshysy Kırıll Pechenkın. – Buryn biz ózimizdiń ónimimizdi О́skemende tazartýdan ótkizetinbiz, bul onyń ózindik qunyna áser etetin. Qazir bul jumysty ózimiz júrgizemiz. Endi biz «Jańa maı» brendin tirkep, ony dúkenderge jetkize bastadyq.
Kompanııa basshysymen birge óndiristi iske qosýdyń sımvolıkalyq tetigin Pavlodar oblysynyń ákimi Ábilqaıyr Sqaqov ta basty. Ol kásiporyn basshylyǵyna tabys tilep, óndiristi keńeıtken jaǵdaıda barynsha qoldaý kórsteýge ýáde berdi.
