«Qazaqstan Respýblıkasy Táýelsizdiginiń 30 jyldyǵyna oraı óz atymnan jáne Ázerbaıjan halqynyń atynan Sizdi jáne halqyńyzdy shyn júrekten quttyqtaımyn, izgi tilegimdi joldaımyn.
Táýelsizdik jyldaryndaǵy tarıhı synaqtardy abyroımen eńsere otyryp, Qazaqstan barlyq salada qarqyndy damý jolynan ótip, úlken jetistikterge jetip, halyqaralyq arenada joǵary bedelge ıe boldy. Ázerbaıjan Respýblıkasy baýyrlas eldiń tabystaryna shyn júrekten qýanady», delingen quttyqtaý hatta.
I.Álıev halyqtarymyzdy tarıhı tamyry tereń dostyq baılanystyratynyna toqtalǵan. Qazirgi tańda osy ıgi dástúrlerge negizdelgen memleketaralyq qarym-qatynasymyz tabysty damyp keledi.
«Ázerbaıjan men Qazaqstan arasyndaǵy dostyq, jemisti yntymaqtastyq jáne strategııalyq seriktestik qarym-qatynastary halyqtarymyzdyń múddesi úshin odan ári damyp, keńeıe beretinine senimdimin. Osy ataýly kúni Sizge zor densaýlyq pen baqyt, al baýyrlas Qazaqstan halqyna amandyq pen gúldený tileımin», delingen quttyqtaý hatta.
