Ekonomıka • 20 Jeltoqsan, 2021

Bıyl 988,8 myń adamǵa ataýly áleýmettik kómek taǵaıyndaldy

378 ret

kórsetildi

1 mın

oqý úshin

2021 jylǵy 1 jeltoqsandaǵy jaǵdaı boıynsha 198,1 myń otbasyndaǵy 988,8 myń adamǵa ataýly áleýmettik kómek (AÁK) taǵaıyndaldy. Bıyl osy maqsatqa bıýdjetten 68,5 mlrd teńge bólindi, dep habarlaıdy Egemen.kz.

Dana MYRZAQADIR

Bıyl 988,8 myń adamǵa ataýly áleýmettik kómek taǵaıyndaldy

AÁK otbasynyń árbir múshesine jan basyna shaqqandaǵy ortasha tabysy óńirlik eń tómengi kúnkóris deńgeıiniń 70%-ynan tómen azamattarǵa taǵaıyndalady.

Budan bólek, AÁK kórsetýdiń jańa tetigin iske asyrý sheńberinde elimizdiń barlyq óńirinde tabysy az otbasylardyń mektep jasyna deıingi balalaryn kepildik berilgen áleýmettik toptamamen qamtamasyz etý boıynsha jumys júrgizilýde.

2021 jylǵy 1 jeltoqsanda AÁK alýshylar qataryndaǵy 1 jastan 6 jasqa deıingi 265,1 myń balaǵa azyq-túlik jáne turmystyq hımııa jıyntyǵy túrinde áleýmettik toptama taǵaıyndaldy.

Esterińizge sala keteıik, AÁK alýshylarǵa TJ tártibi men karantındik shekteý sharalarynyń qoldanylýyna baılanysty 2020 jylǵy II, III jáne IV toqsandarda, sondaı-aq 2021 jylǵy I, II toqsandarda kómek taǵaıyndaý uzartyldy.

Qazirgi ýaqytta qazaqstandyqtar AÁK taǵaıyndaýǵa ótinishti turǵylyqty jeri boıynsha jumyspen qamtý ortalyǵynda, sondaı-aq egov.kz elektrondyq úkimet portaly arqyly bere alady.