Sınoptıkterdiń boljaýynsha, Nur-Sultanda burqasyn men kóktaıǵaq bolady.
Shymkentte túnde jáne tańerteń naızaǵaı bolady dep kútiledi. Ońtústik-batystan, ońtústikten soqqan jel ekpini túnde sekýndyna 15-20 metrge deıin jetedi.
Aqmola oblysynyń soltústik-batysynda jáne ońtústik-shyǵysynda tuman túsip, kóktaıǵaq bolady dep kútiledi. Oblystyń soltústik-batysynda ońtústik-batystan soǵatyn jel sekýndyna 15-20 metrge jetedi.
Túnde Aqtóbe oblysynyń soltústik-batysynda, ońtústiginde jáne shyǵysynda kóktaıǵaq kútiledi. Ońtústik-batystan soqqan jel ekpini oblystyń soltústik-batysynda sekýndyna 15 metrge jetedi
22 jeltoqsanǵa deıin Almaty oblysynyń Alakól kólderi aýdanynda ońtústik-shyǵystan 17-22 metr jel soǵady, ekpini sekýndyna 25 metr bolady.
Jambyl oblysynyń ońtústik-batysynda sekýndyna 15-20 metr jyldamdyqpen, túnde sekýndyna 30 metrge deıin jel soǵady. Sondaı-aq 21 jeltoqsanǵa deıin oblystyń soltústiginde, taýly jáne taý bókterindegi aýdandarda tuman men kóktaıǵaq kútiledi.
Batys Qazaqstan oblysynyń soltústiginde, soltústik-batysynda kóktaıǵaq, tuman jáne burqasyn kútiledi. Oblystyń batysy men soltústigindegi ońtústik-batystan soqqan jel ekpini sekýndyna 15-20 metrge deıin kúsheıedi. Oralda kúndiz kóktaıǵaq, burqasyn kútiledi, túnde jáne tańerteń tuman túsedi, sondaı-aq ońtústik-batystan sekýndyna 18 metrge deıin jel soǵady.
Túnde batysta, kúndiz soltústikte, shyǵysta jáne Qaraǵandy oblysynyń ortalyǵynda kóktaıǵaq jáne burqasyn kútiledi.
Qostanaı oblysynyń soltústigi men ońtústiginde tuman túsip, kóktaıǵaq bolady. Ońtústik-batystan soqqan jel oblystyń ońtústiginde sekýndyna 15-20 metrge jetedi.
Qyzylorda oblysynyń soltústiginde jáne ortalyǵynda tuman túsip, kóktaıǵaq bolady dep kútiledi.
Mańǵystaý oblysynyń batysynda tuman men kóktaıǵaq kútiledi. Kúndiz oblystyń ońtústiginde qumdy daýyl kútiledi. Ońtústik-shyǵystan soqqan jel kúndiz oblystyń batysynda sekýndyna 15-20 metrge jetedi. Aqtaýda 20 jeltoqsanda túnde jáne tańerteń tuman túsedi.
Túnde Pavlodar oblysynyń ońtústiginde boran soǵyp, oblystyń soltústiginde tuman túsedi. Kúndiz oblystyń batysy men ońtústiginde kóktaıǵaq bolady. Ońtústik-batystan, batystan soqqan jel túnde oblystyń ońtústiginde sekýndyna 18 metrge deıin kúsheıedi.
Soltústik Qazaqstan oblysynyń soltústiginde, batysynda, shyǵysynda boran, tuman jáne kóktaıǵaq kútiledi. Kúndiz oblystyń batysynda ońtústik-batystan soqqan jeldiń ekpini sekýndyna 15-20 metrge jetedi. Petropavlda kóktaıǵaq bolady.
Túnde jáne tańerteń Túrkistan oblysynyń taýly aımaqtarynda jaýyn-shashyn, jańbyr jáne qar jaýady. Túnde jáne tańerteń oblystyń batysynda, ońtústiginde, taýly, taý bókterindegi aýdandarda naızaǵaı men tuman kútiledi. Oblystyń taýly jáne taý bókterindegi aýdandarynda ońtústik-batystan, ońtústikten jel 15-20, túnde taýly asýlarda sekýndyna 23-28 metrge jetedi.
