17 kezdesýde qarsylastarynyń barlyǵyn nokaýtpen jeńgen Artýr Beterbıevti synaǵandar da kezdesti. Olardyń qatarynda burynǵy boksshylar Andre Ýord pen Tonı Belıý bar.
«Meniń oıymsha «Kanelo» Beterbıevti toqtatady. Burynnan-aq Artýrdyń kezdesýlerindegi olqylyqtardy baıqap kelemin. Tipti «Kanelonyń» ony qandaı soqqymen qulatatynyn da bilemin. Jartylaı aýyr salmaq dárejesinde Saýl Alvares kúsh joǵaltpaıdy. Ony Sergeı Kovalevke qarsy kezdesýinde kórdik. Beterbıevke qarsy da sol nátıjeni qaıtalaı alady», dedi Tonı Belıý.
Esterińizge sala keteıik, ekinshi orta salmaq dárejesinde álemniń absolıýtti chempıony sanalatyn meksıkalyq boksshy Saýl Alvares birer jyl buryn jartylaı aýyr salmaq dárejesine kóterilip, sol kezdegi WBO chempıony Sergeı Kovalevti nokaýtpen jeńgen bolatyn. Endi Alvares jartylaı aýyr salmaqty qoıa turyp, birinshi aýyr salmaqta álem chempıony atanýdy kózdeıdi.
