Qurlyq dodasy alǵashynda Kýveıtte ótýi tıis bolatyn. Alaıda, pandemııaǵa baılanysty keıinge shegerilip, Almatyda uıymdastyrylyp jatyr.
Qazaqstandyq federasııanyń usynysy boıynsha atalǵan Azııa chempıonaty komandanyń bas bapkeri, osydan bir jyl buryn ómirden ótken Jastalap Sanaýovtyń rýhyna arnalǵan.
Birinshilikke 23 elden 450 sportshy qatysýda. Olardyń qatarynda katadan Olımpıada chempıony Re Kııýna da bar.
Sondaı-aq, Qazaqstan namysyn Olımpıada júldegeri Sofıa Berýlseva, álem chempıonatynyń eki dúrkin qola júldegeri Nurqanat Ájiqanov, Dıdar Ámiráli, Erkinbek Baıtóreevter qorǵaıdy.
Mamandardyń aıtýynsha, Qazaqstannyń eń basty qarsylasy – Iran quramasy bolmaq.
