Bul kúni sahna tórine belgili ánshiler kóterilip, táýelsiz Qazaqstan tarıhyndaǵy tanymal ánderdi shyrqady.
«Táýelsizdik dastany» konsertinde otandyq estrada juldyzdarynyń oryndaýynda táýelsiz Qazaqstannyń 30 úzdik áni oryndaldy. Oryndaýshylar estafetany bir-birine usynyp, Qazaqstannyń ondaǵan aıtýly ánderiniń biryńǵaı kompozısııasyn jasaýǵa den qoıdy.
«30 jyl bederinde halyq arasynda keńinen tanylǵan ánder oryndaldy. О́te jaqsy kesh boldy. Súıikti ánderimizdi shyrqadyq. Uıymdastyrýshylarǵa rahmet», dedi Qazaqstannyń eńbek sińirgen qaıratkeri Jeńis Ysqaqova.
«Qala ákimdiginiń qoldaýymen osyndaı tamasha kesh ótti. 20 jyldan astam ýaqyt jumys istep kele jatqan áriptestermen kezdeskenime qýanyshtymyn. Osyndaı is - sharalar múmkindiginshe kóbirek ótkizilgeni jón», dep atap ótti Qazaqstannyń eńbek sińirgen qaıratkeri Sáken Maıǵazıev.
Otandyq hıtterdi Nurlan О́nerbaev, Naǵıma Esqalıeva, Aıjan Nurmaǵambetova, Tolqyn Zabırova, Jeńis Seıdollauly, Jeńis Ysqaqova, Parvız Nazarov, Nurlan Abdýllın, «Úrker», «Iаshlyk» toby, Baýyrjan Isaev, Ulyqpan Joldasov, Dılnaz Ahmadıeva, Ivan Breýsov, Asylbek Eńsepov, Rınat Gaısın, «Báıterek», «Azııa», «Mýzart», «Ulytaý», Qydyráli jáne Qaraqat, Jubanysh Jeksenuly, «Dervıshı» toby, Altynaı Jorabaeva, Beıbit Qorǵan, Mádına Sádýaqasova, Qurmash Mahan, Almas Kishkenbaev, Aıqyn Tólepbergen, Maqpal Isabekova, Nurjan Kermenbaev, «Jigitter», «KZ», «KeshYOU» toptary, Qaırat Baekenov, Erke Esmahan, Marjan Arapbaeva syndy estrada juldyzdary oryndady.
