Taǵaıyndaý • 20 Jeltoqsan, 2021

Qanat Bozymbaev Nur Otan-nyń Almaty oblystyq fılıalynyń tóraǵasy bolyp saılandy

119 ret kórsetildi

Nur Otan Tóraǵasynyń Birinshi orynbasary Baýyrjan Baıbek Taldyqorǵan qalasyna sapary barysynda partııanyń Almaty oblystyq fılıalynyń kezekten tys konferensııasyna qatysty. Partııa fılıalynyń jańa tóraǵasy retinde delegattar óńir ákimi Qanat Bozymbaevty saılady, dep habarlaıdy Egemen.kz partııanyń baspasóz qyzmetine silteme jasap.

Partııa Tóraǵasy birinshi orynbasarynyń aıtýynsha, Qanat Bozymbaev buǵan deıin Jambyl jáne Pavlodar oblystarynda partııany tabysty basqarǵan. Fılıal jańa basshylyǵynyń aldynda partııanyń saılaýaldy mindettemelerin odan ári sapaly oryndaý, qoǵamdyq keńesterdiń jumysyn jandandyrý jáne halyqpen keri baılanysty nyǵaıtý mindetteri tur.

«Saıası keńestiń keńeıtilgen otyrysynda Elbasy, partııa Lıderi Nursultan Nazarbaev aıtqandaı, «Qazaqstan Táýelsizdiktiń tórtinshi onjyldyǵyna qadam basýda. Bul aýqymdy ózgeristerge, qıyn da jaýapty sheshimderge toly kezeń bolary anyq». Mundaı jaǵdaıda bıleýshi partııa retinde Nur Otan-ǵa eldegi sabaqtastyq, saıası turaqtylyq jáne odan ári damýdy qamtamasyz etetin el Prezıdenti Qasym-Jomart Toqaevtyń memlekettik baǵyty tóńireginde qoǵamdy toptastyrý jónindegi erekshe mindet júktelgen», dep atap ótti Baýyrjan Baıbek.

Sondaı-aq, ol konferensııada Nur Otan Saıası keńesi Bıýrosynyń sheshimimen «Belsendi qyzmeti úshin» partııalyq nagradasymen marapattalǵan fılıaldyń burynǵy tóraǵasy Amandyq Batalovqa atqarǵan jumysy úshin alǵys bildirdi.

Osy kúni Baýyrjan Baıbek partııanyń «О́zgerister joly: Ár azamatqa laıyqty ómir!» saılaýaldy baǵdarlamasyn júzege asyrý aıasynda ashylǵan birqatar áleýmettik nysandardy aralady.

sh

Ol oblystaǵy Oqýshylar saraıyna baryp, onda 140-tan astam balaǵa 3D jáne ınteraktıvti modelderdi jasaý, baǵdarlamalaý, qurastyrý daǵdylaryn úırenýge múmkindik beretin jańa FAB LAB ınnovasııalyq zerthanasynyń jumysymen tanysty.

Budan soń partııa Tóraǵasynyń birinshi orynbasary Áıelder kásipkerligin damytý ortalyǵyna bardy. Onda isin jańa bastaǵan jáne jumys istep júrgen kásipker áıelder jeńildikpen nesıe alý, satý naryǵyn keńeıtý, bıznes-jobalardy iske asyrýda tájirıbelik kómek alý sııaqty t.b. máseleler boıynsha keńes alýyna bolady.

«Jalpy, partııa saılaýaldy baǵdarlamasyn júzege asyrýdyń 11 aıdaǵy qorytyndysy boıynsha óńirde 1 mıllıon sharshy metrge jýyq turǵyn úı, 12 mektep paıdalanýǵa berilip, 538 km jol salyndy jáne jóndeldi, 27 myń turaqty jumys orny ashyldy jáne t.b. Osyndaı jumystardy partııa elimizdiń barlyq óńirlerinde júrgizip jatyr»,  dep jazdy ol saparynyń qorytyndysy týraly Facebook-tegi paraqshasynda.

Sońǵy jańalyqtar

Tozaq qaqpasy

Rýhanııat • Keshe

Eskilik pen estilik

Ádebıet • Keshe

Polısııa: Kadr hám qadir

Qazaqstan • Keshe

Máńgilik saıahatshylar

О́ner • Keshe

Uqsas jańalyqtar