Álem • 21 Jeltoqsan, 2021

Álem elderi COVID-19-ǵa qarsy revaksınalaý merzimin qysqartady

78 ret kórsetildi

Álem elderi omıkron shtamyna baılanysty COVID-19-ǵa qarsy revaksınalaý ýaqytyn alty aıdan úsh aıǵa deıin qysqartýǵa sheshim qabyldady, dep habarlaıdy Egemen.kz.

Bul týraly Reuters agenttigi málim etti.

Kóptegen elde, sonyń ishinde AQSh-ta, bıyl jyl basynan beri koronovırýsqa qarsy vaksına alǵan alty aıdan keıin revaksınalaýǵa ruqsat etildi. Osy aıda Ońtústik Koreıa, Ulybrıtanııa jáne Taıland bul aralyqty úsh aıǵa deıin qysqartty. Belgııa tórt aıǵa qysqartty. Al Fransııa, Sıngapýr, Taıvan, Italııa jáne Aýstralııa bes aıǵa deıin qysqartty. Keıbir elder, sonyń ishinde AQSh, Ońtústik Afrıka jáne Germanııa áli de alty aılyq revaksınalaý kestesin ustanady.

Osylaısha, keıbir elder omıkron delta shtamyna qaraǵanda tezirek taralatynyn jáne vaksına alǵandarǵa juǵýy múmkin ekenin kórsetedi. Alaıda keıbir ǵalymdar qosymsha dozany tym tez alý vaksınanyń uzaq merzimge arnalǵan qorǵanys deńgeıine qaýip tóndirýi múmkin deıdi.

Fınlıandııa ınfeksııa tez juǵýy múmkin toptarǵa qosymsha doza salýdyń úsh aılyq jedeldetilgen kestesin usyndy. Ispanııa men Lıtva áli de ımmýnıteti álsiz adamdarǵa, qarttarǵa ǵana usynady. Úndistan áli revaksınalaý týraly sheshim qabyldaǵan joq.

«Immýnologııalyq turǵydan alǵanda, alty aıdan da az ýaqytqa qysqartýdyń esh maǵynasy joq», dedi AQSh aýrýlardy baqylaý jáne aldyn alý ortalyqtarynyń (CDC) ókili Krısten Nordlýnd.

 

Sońǵy jańalyqtar

Taǵy 868 qazaqstandyq indet juqtyrǵan

Koronavırýs • Búgin, 09:30

Búgin birqatar óńirde úsik júredi

Aýa raıy • Búgin, 09:06

Uqsas jańalyqtar