Qazaqstan jastary qoǵamdyq qorynyń uıymdastyrýymen Adem saýda ortalyǵynda jastarǵa áleýmettik-psıhologııalyq, eńbek sharty, medısına, quqyqtyq jáne pedagogıkalyq oflaın-onlaın túrde keńester berildi. Qazirgi kezde 200-deı jas arnaıy daıyndalǵan ortalyqta tájirıbeden ótip, kásibı mamandar keńesin aldy.
Joba aıasynda front-ofıste kásibı mamandar árbir jas adamdy tolǵandyrǵan suraqtarǵa jaýap berip, arnaıy saýaldama júrgizip, qandaı da bir máseleniń sheshimin tabýǵa yqpal etti. NEET sanatyndaǵy jastardyń sany 3 myń adamdy qurap otyr. Bul máselege keńinen nazar aýdarý maqsatynda eriktiler men resýrstyq ortalyqtardyń mamandary tartyldy. Sonymen birge ortalyqtyń jumysy týraly áleýmettik jelilerde aqparat tarady.
Joba aıasynda Almatyǵa kelip, ketip jumys isteıtin jastar úshin arnaıy baıqaý uıymdastyryldy. Úsh kezeńnen turatyn baıqaýdyń qorytyndysy boıynsha «Úzdik shashtaraz», «Úzdik kólik mehanıgi», «Úzdik aspaz», «Úzdik elektrık», «Úzdik dońǵalaq jasaýshy» sııaqty kásibı tehnıkalyq mamandyqtardyń jeńimpazdary anyqtaldy. Bul baıqaýdyń qazylar alqasyna jumys berýshiler, kásipodaq uıymdarynyń ókilderi shaqyryldy.
Joba aıasynda jeńimpazdar teorııa ári tájirıbe jaǵynan biliktiligin arttyryp qana qoımaı, aqshalaı syılyqtarǵa ıe boldy.
ALMATY
