Komıssııa jumysyna áleýmettik qyzmetkerler, densaýlyq saqtaý jáne bilim berý organdarynyń ókilderi, sondaı-aq Daǵdarys ortalyqtary odaǵynyń basshysy Z. Baısaqova qatysty. Komıssııa jumysy taǵdyr tálkegine dýshar bolǵan otbasylarǵa kómek kórsetýdi kózdeıdi.
Kezdesýde qamqorlyqqa muqtaj jandarǵa qoldaý sharalaryn kórsetý, sonyń ishinde balalarǵa arnalǵan qujattardy resimdeý, balabaqshalarǵa kezekke qoıý, balalar men ata-analardy medısınalyq tekserýden ótkizý máseleleri talqylandy. Erjan Babaqumarov atap ótkendeı, jetimdikti azaıtýdyń birden bir sharty – aldymen ata-analardy myna áleýmetke beıimdeý, turmysynyń túzýligi.
Osyǵan baılanysty qala ákiminiń orynbasary Erjan Babaqumarov sońǵy eki jyldaǵy «Úmit úıine» júginýge jeteleıtin barlyq jaǵdaıǵa taldaý júrgizýdi tapsyrdy. Sonymen qatar, qıyn jaǵdaıǵa tap bolǵan analar men ákelerdi jumysqa ornalastyrý jáne belsendi qoǵamdyq ómirge tartý boıynsha aldyn alý sharalarynyń paketin ázirleý tapsyryldy.
