Tusaýkeserdiń ashylý saltanatynda ýnıversıtettiń birinshi prorektory, «Turan» bilim berý korporasııasynyń vıse-perzıdenti, professor, Qazaqstan marketıng qaýymdastyǵynyń prezıdenti, ensıklopedııanyń bas redaktory Qýanysh Tazabekov sóz sóılep, el Táýelsizdiginiń 30 jyldyǵyna oraı jaryqqa shyǵyp otyrǵan Qazaqstan rekordtar kitabyna engen keıipkerler ómiriniń tosyn da qyzyqty oqıǵalarǵa toly ekenin jetkizdi. Ensıklopedııanyń alǵashqy basylymy 1999 jyly juqa kitapsha túrinde jaryqqa shyqqan bolsa, on ekinshi redaksııasynda aqparattyq-ensıklopedııalyq anyqtamalyǵy deńgeıine jetip otyr. Myńnan astam derekter qamtylǵan basylym túrli-tústi foto-ıllıýstrasııalarmen bezendirilgen. Ensıklopedııada Táýelsiz Qazaqstannyń geografııasynan bastap, el damýyna úles qosqan tulǵalardyń ómiri, ekonomıka, saıasatta jetken jetistikteri, tarıhy men mádenıeti, sport salasyna qatysty qyzyqty derekter bar.
Basylymda jeke adamdardyń ómir jolyna qatysty qyzyqty jaıttar nazar aýdartady. FIAP Halyqaralyq fotografııa óneri federasııasynyń «Platınaly Eksellens» tıtýlynyń postkeńestik keńistiktegi jalǵyz ıegeri Valerıı Korenchýktyń shyǵarmashylyq muraǵatynda myńdaǵan fotosýretter bar. Fotograf bedeldi sheteldik baıqaýlardyń 300-ge jýyq júldesin jeńip alǵan. 2020 jyly V.Korenchýktiń jumystary 22 kórmege qoıylyp, 44 marapatqa ıe boldy. Al ótken jyly «Portret s tenıý» atty jumysy úshin FIAP altyn medaline jáne taǵy da 18 marapatqa ıe boldy.
2020 jyly Italııanyń Pezaro qalasynda onlaın-rejimde ótken Rossını (CIMP) atyndaǵy XVII halyqaralyq mýzykalyq baıqaýda «kameralyq mýzyka» nomınasııasy boıynsha jeńimpaz atanǵan Jambyl atyndaǵy Qazaq memlekettik fılarmonııasynyń Memlekettik qaraǵaıly úrmeli aspaptar kvıntetiniń repertýary óte baı. О́tken jyly Janat Ermanovtyń jetekshiligindegi kvıntet Ulybrıtanııadaǵy Mıýzık Boks Halyqaralyq baıqaýynyń birinshi syılyǵynyń laýreaty boldy.
Qazaqstan rekordtar kitabyna 100 jyldyq tarıhy bar, elimizdegi eń kóne gazetterdiń biri «Egemen Qazaqstan» enip otyr. «Qazaq» gazetiniń jalǵasy retinde 1919 jyly «Ushqyn» ataýymen Orynborda basylyp shyqqan gazet ár jyldar ishinde kóp taralymdy gazetke aınaldy. «Eńbek týy» (1920), «Eńbekshi qazaq» (1921), «Sosıaldy Qazaqstan» (1921-1932), «Sosıalıstik Qazaqstan» (1932-1991), «Egemendi Qazaqstan» (1991-1993), búginde «Egemen Qazaqstan» bolyp atalatyn gazet qoǵamnyń únjarǵysyna aınalǵan.
Otyz jyldan astam ýaqytyn ǵarysh keńistigin zertteýge arnaǵan almatylyq Ánýarbek Balahmetov, ótken jyly Londonda ótken 22-shi Rainbow Film Festival halyqaralyq kınofestıvalinde «Marııam» tolyqmetrajdy fılmi úshin úzdik rejısser áıel atanǵan Sharıpa Orazbaeva, qyryq jyldan astam ustalyq ónerdi jandandyryp, ata kásiptiń kórigin qyzdyryp júrgen aǵaıyndy Tursynjan, Mahmut, Aıtbergen Qulmenovtardyń eńbegi de Qazaqstan rekordtar kitabynda aıshyqtalyp tur.
Ensıklopedııalyq anyqtamalyqtyń densaýlyq bóliminde 2019 jyly alǵash ret gıpoplazııa aýyr patologııasy bar toǵyz kúndik sábıdiń júregine biregeı ota jasaǵan almatylyq hırýrgtardyń da eńbegi rekordtyq kórsetkish retinde baǵalanyp otyr. Ota kózge múlde kórinbeıtin, seziný arqyly ǵana ustaýǵa bolatyn jiptiń kómegimen jasalady. Sertıfıkat Perınatologııa jáne balalar kardıohırýrgııasy Ortalyǵynyń balalar kardıohırýrgııasy bóliminiń meńgerýshisi Gennadıı Nıgaıǵa tabys etildi. Al dál sol jyly Magmaris magnıı qorytpalarynan jasalǵan erıtin tireýishti qoldaný arqyly alǵash ret jasalǵan biregeı ota úshin rekordtar sertıfıkaty Kardıologııa jáne ishki aýrýlar ǴZI-nyń rentgenendovaskýlıarlyq hırýrgııa bóliminiń meńgerýshisi Ásem Amantaeva tapsyryldy.
Denesine bir mezette 8 kıloǵa deıin metall buıymdardy tarta alatyn «magnıt áıel» atanǵan Qarlyǵash Nyǵmetova 2019 jyly salmaǵy 6 keli bolatyn 4 útikti denesinde ustap turyp, bir ýaqytta temir sheńberdi aınaldyrýdan rekordyn jańartqan. Al almatylyq Aleksandr Gabchenko men Aleksandr Sıpetyı bıyl velosıpedtiń avtonomdy rejimimen Ile Alataýynyń qyrattarymen 127 shaqyrymdy 60 saǵatta júrip ótken. Rekdorshylardyń sońǵy úsh jyldaǵy ekspedısııalary respýblıkanyń 14 óńirinde oıly-qyrly aımaqtar serııasymen jalǵasyn tapqan.
«Qazaq jolbarysy» laqap atymen tanylǵan qazaqstandyq palýan, 26 jastaǵy almatylyq Almat Djumanov 100 tonna kómir tıelgen vagondy, salmaǵy 300 kg eki jasar tiri túıeni ıyǵyna salyp, 13 metrge deıin kótere alatyn alyp kúshke ıe. Salmaǵy 4800 kılo eki djıp kóligin súıreý de rekordshy úshin asa qıynǵa soǵa qoımaǵan.
Almatylyq Andreı Talalaev Sıýrron elektrli velosıpedimen 3 saǵatta Almaty oblysy Ile Alataýyndaǵy 4068 metr bıiktiktegi B. Momyshuly shyńyn jáne de 4 myńdyq shyńdy eki dóńgelekti motorly kólikpen baǵyndyrǵan. Al 32 jastaǵy almatylyq Aleksandr Danchevtyń ekstremaldy vorkaýt boıynsha rekordty tipten qyzyqty. Aleksandr 15 mınýt boıy tisimen arqanda tartylyp tura alatyn qabiletke ıe. Alyp kúsh ıesi 26 tonnalyq kólikti 2,5 metr qashyqtyqqa tistep súıreý arqyly rekordyn jańartqan. О́mirlik tájirıbesine súıene otyryp, psıhologııa jáne motıvasııa týraly «О́mir meniń kózqarasymmen» kitabyn jazǵan almatylyq 17 jasar Ilıas Iýsýpjanov eń jas avtor retinde Qazaqstan rekordtar kitabyna enip otyr.
ALMATY
