Avtojol ýchaskesinde basty magıstraldyq estakada, «taǵa» úlgisindegi burylys estakadasy, Aqsaı ózeni arqyly ótetin kópir jáne jerústi jaıaý júrginshiler kópiri salyndy.
Sonymen qatar, tranzıttik, qoǵamdyq jáne jergilikti kólikter úshin 4 shaqyrymdyq ınjenerlik kommýnıkasııalar qaıta ornatylyp, 10 jolaqty jol salyndy. Jobaǵa 200-den astam jumysshy men 50 tehnıka, onyń ishinde monolıtti aralyq qurylys jumystaryn qamtýǵa arnalǵan kúrdeli jabdyqtar tartyldy.
«Altyn orda», «Barlyq» bazary men «Moll Aport» saýda - oıyn-saýyq ortalyǵynyń ornalasqan jerin eskersek, estakadada qozǵalystyń ashylýy jol ýchaskesiniń ótkizý qabiletin arttyryp, halyqqa qolaıly jaǵdaı jasaıdy.
Sonymen qatar, azamattardyń bıznes júrgizýi úshin ınfraqurylym problemalaryn sheshýde oń áser etedi.
