Bul týraly vRINGe.com portaly jazady.
«Ol óte myqty. Pandemııa kezinde 12 aıdyń ishinde tórt kezdesý ótkizip, buǵan deıin jeńilmegen Kallým Smıt, Bıllı Djo Sondres jáne Kaleb Planttan aılasyn asyryp, álemniń absolıýt chempıony atandy. Bıyl biz onyń tórt kezdesýiniń úsheýin uıymdastyrýǵa kómektestik. Bul biz úshin úlken maqtanysh. Aldaǵy ýaqytta da Kanelonyń aıqastaryn uıymdastyrýǵa kómektesemiz dep senemiz.
Endi Kanelo besinshi dıvızıondy - birinshi aýyr salmaqty baǵyndyrýdy armandap júr. Men bul týraly boksshynyń komandasynan estidim. Meniń oıymsha, Saýldiń bul salmaqty baǵyndyrýǵa shamasy jetedi. Ol endi Dmıtrıı Bıvol, Djo Smıt jáne Artýr Beterbıevpen kezdesýi kerek dep oılaımyn. Bir jyldyń ishinde Alvares atalǵan úsh boksshyny da jeńe alady dep senemin.
Ol qazirdiń ózinde bokstyń ańyzyna aınaldy. Degenmen tarıhty jańartý úshin Kanelo budan da kóp dúnıe isteı alady. Onyń ústine Saýl men onyń bapkeri Eddı Reınosa bul týraly aıtyp júr. Eki salmaqta álemniń absolıýt chempıony bolǵanyn elestetip kórińizshi. Sol kezde ol shynynda da, boks tarıhynyń ańyz boksshylary arasynda kósh bastaıdy. Jýyrda men Reınosomen sóılestim. Aldaǵy ýaqytta biz olarǵa resmı usynys jasaımyz. Al sheshimdi olar qańtarda shyǵaratyn shyǵar», deıdi promoýter.
