Bul týraly Rıa Novostı málim etti.
Qyrǵyz shekarashylarynyń málimetinshe, senbide Tájikstannyń áskerı kúshteri Qyrǵyzstandaǵy Damba men Maqsat aýyldaryna qarama-qarsy shekara mańynda jınalǵan, sonymen qatar, shekara beketteriniń birinde tájik áskerı kúshteri mınomet ornatqan. Kóp uzamaı Ekı-Tashtaǵy shekaralas aımaqta oq atyldy: Tájikstan azamattary qyrǵyzstandyqtardyń kólikterine tas laqtyryp, qyrǵyz shekarashysy qaqtyǵysty toqtatý úshin aýaǵa oq atýǵa májbúr bolǵany habarlandy.
«Oqıǵadan keıin Qyrǵyzstan men Tájikstan shekara zastavalarynyń basshylary kezdesti, olar jaǵdaıdy turaqtandyrý maqsatynda qosymsha shekara narıadtaryn qoıdy. Tájik tarapy oqıǵaǵa qatysy bar adamdardy izdestirip jatqanyn habarlady. Qyrǵyzstandaǵy shekaranyń osy ýchaskesi qyzmettiń kúsheıtilgen nusqasyna aýystyryldy», dep málimdedi vedomstvo ókili.
Qazir jaǵdaı «salystyrmaly túrde turaqty» ekeni habarlandy.
«QR UQK Shekara qyzmeti osy ýchaskedegi jaǵdaıdy qadaǵalaıdy jáne baqylaıdy», dedi vedomstvodaǵylar.
Aıta keteıik, Qyrǵyzstan men Tájikstan shekarasynda eki eldiń jergilikti turǵyndary men shekarashylary arasynda buǵan deıin de qaqtyǵystar bolǵan.
