Muqtaj jandarǵa áleýmettik kómek berildi

Mereke qarsańynda qala­lyq ákimdik demeýshiler men mesenattardyń qoldaýymen az qamtylǵan otbasylarǵa, ıaǵnı 541 467 adamǵa azyq-túlik jıyntyǵy, kıim, aıaq-kıim, kreslo-arba, ystyq tamaq, oıynshyqtar, úı­ge qajetti zattar, turmys­tyq tehnıka, sport seksııa­la­ryndaǵy sabaqtar túrinde jáne basqa da baǵyttaǵy qa­ıy­­rym­dylyq kómek kórsetti.

Ákimdik tarapynan sonymen qatar Jeltoqsan kó­terilisine qatysýshylarǵa jyl saıyn 150 myń teńge kóleminde birjolǵy áleý­mettik kómek berilip keledi. Qazirgi ýaqytta sanatorıı-kýrorttyq emdeý sharala­ryna qatysty másele qaras­tyrylýda. Áleýmettik qor­ǵaý maqsatynda Almaty qa­­la­synda tirkelgen jáne turatyn basqa memle­ketterdiń aýmaǵynda bolǵan urys qımyldarynyń ar­­da­ger­lerine alatyn zeınet­aqy mólsheriniń 25 paıyzyn tóleı otyryp, sana­to­rıı-kýrorttyq emdelýge kómek berilýde. Ekinshi dúnıejúzilik soǵys arda­ger­lerine 100 myń teńge mól­sherinde bir­jolǵy áleýmettik kómek kór­setý jolǵa qo­ıylǵan bol­sa, qalalyq qo­ǵam­dyq kólik­te júrý úshin je­ńildikti elek­trondy kó­lik kartalary engizilgen.

Sonymen qatar qıyn jaǵ­daıda qalǵan adamdar­dy «Pana» áleýmettik be­ıim­deý ortalyǵyna orna­las­tyrý múmkindigi qa­ras­tyrylyp otyr. Orta­lyq­ta psıhologııalyq, me­dı­sı­nalyq jáne zań keńes­teri beriledi. Sonymen qa­tar mundaı adamdarǵa qujat­taryn qalpyna keltirýge, jeke kýálikti alǵashqy re­simdeýge (KSRO-nyń qyzyl pas­porty), otbasylaryna oralýǵa, jasyna baılanysty zeınetaqy resimdeýge, múge­dektik taǵaıyndaýǵa, otanyna oralýǵa kómektesedi.

Zeınetkerlik jas al­dyndaǵy adamdardy Ha­lyqty jumyspen qamtý orta­lyǵynda turaqty jumyspen qamtý júzege asyp keledi. Sondaı-aq memleket tarapynan sýbsıdııalanatyn qo­ǵamdyq jumystarǵa, áleý­mettik jumys oryndaryna, qysqa merzimdi kýrstarǵa, granttar berýge joldama­lar beriledi. Al zeınetkerlik jastaǵy adamdar jumys­syz retinde resmı tirkeýsiz bos jumys oryndaryna jiberiledi. Kelesi jyldan bastap jumyspen qamtý sharalaryn iske asyrý 2021-2025 jyldarǵa arnal­ǵan kásipkerlikti damytý jó­nindegi ulttyq jospar sheń­berinde, naqty aıtqanda, ju­myssyzdyq kezeńi 1 jyl­dan asatyn zeınetaqy al­dyndaǵy jastaǵy adamdardy zeınetke shyqqansha 24 aıǵa deıin jumysqa ornalastyrý boıynsha «Kúmis jas» jańa baǵytyn engizý kózdelip otyr. Bul baǵyt sýbsıdııa mólsheri 60 myń teńgeden aspaıtyn mólsherde jalaqynyń 50 paıyzyna deıin qarjylandyrýdy kóz­deıdi.

ALMATY