Rýhanııat • 27 Jeltoqsan, 2021

Qabdesh Jumadilov turǵan úıge eskertkish taqta ornatyldy

75 ret kórsetildi

Almatyda Qazaqstannyń halyq jazýshysy, Memlekettik syılyqtyń ıegeri Qabdesh Jumadilov turǵan úıge eskertkish taqta ornatyldy, dep habarlaıdy Egemen.kz.

Jazýshy bıyl 85 jasqa qaraǵan shaǵynda ómirden ozdy. Jazýshyny eske alý maqsatynda qyryq jyldan astam turǵan Jambyl kóshesi, 163-úıge eskertkish taqta ornatyldy. Bul úıde jazýshynyń qazaq ádebıetiniń altyn qoryna engen shoqtyǵy bıik týyndyǵa aınalǵan qundy muralary ómirge keldi. Oqyrman qaýym jazýshynyń «Taǵdyr» romany arqyly shetelge aýǵan qandastar taǵdyryn tanysa, «Sońǵy kósh» dılogııasy, «Daraboz» tarıhı romany men kóptegen áńgime, povesteri alys-jaqyn shetelderdegi oqyrmandar ortasyna keńinen tanylǵan.  

Shyńjań ólkesi, Tarbaǵataı aımaǵy, Sháýeshek aýdanynda dúnıege kelgen jazýshynyń tyrnaq aldy týyndylary Sháýeshek gımnazııasynda oqyp júrgende bastalyp, «Shyńjań gazetinde» alǵashqy óleńderi jaryq kórgen-di.

Jıyndy Qazaqstan Jazýshylar odaǵynyń tóraǵasy Ulyqbek Esdáýlet ashyp, jazýshy murasy haqynda sóz sóıledi.

Saltanatty jıynda jazýshynyń jubaıy Sáýle Áýkenqyzy osy sharany uıymdastyrǵan Almaty qalasynyń ákimdigine rızashylyǵyn bildire kelip:  «Búgin otbasymyzda qýanyshty, tarıhı oqıǵa bolyp jatyr. Qabańa arnap eskertkish taqta ornatyldy. Qabań óte shynshyl, shynaıy, ádil adam edi. Oılamaǵan jerden ketip qaldy...», dep atap ótse, bul kúndi jınalǵan kópshilik «klassıkti eske alatyn kórneki quraldardyń bastamasy» degen pikir bildirdi.

Qalamger qaýym men ádebıet súıer oqyrman qatysqan jıyndy Qazaqstan Jazýshylar odaǵy basqarma tóraǵasynyń  orynbasary Baýyrjan Jaqyp júrgizdi. Jıyn barysynda aqyn Temirhan Medetbek, jazýshy-jýrnalıst Júsipbek Qorǵasbek, fılosofııa ǵylymynyń doktory, professor
 Ulyqpan Sydyqov sóz sóılep, aqyn Qasymhan Begmanov jazýshy rýhyna arnaǵan óleńin oqydy.

ALMATY

Sońǵy jańalyqtar

Almaty zoobaǵy qonjyqpen tolyqty

Ekologııa • Búgin, 19:10

Dollar taǵy qymbattady

Qarjy • Búgin, 16:55

Elimizdiń basym bóliginde jańbyr jaýady

Aýa raıy • Búgin, 16:39

Almatyda sýburqaqtar iske qosylady

Aımaqtar • Búgin, 16:11

Uqsas jańalyqtar