Úkimet • 28 Jeltoqsan, 2021

9 mıllıon qazaqstandyqty revaksınalaý qajet – Asqar Mamın

74 ret kórsetildi

2022 jyldyń I jartyjyldyǵynda 9 mln adam revaksınalaýdan ótýi qajet. Bul týraly QR Premer-Mınıstri Asqar Mamın aıtty, dep habarlaıdy Egemen.kz.

«Qazaqstanda jalpy epıdemıologııalyq jaǵdaı turaqty. Infeksııalyq aýrýhanalar men reanımasııadaǵy oryndardyń 17 paıyzy tolyq. Koronavırýs ınfeksııasymen aýrýhanalarǵa jatqyzý jáne aýyr jaǵdaılar sany aıtarlyqtaı azaıdy. О́ńirlerdiń kóbi «jasyl» aımaqta. «Sary» aımaqta eki óńir: Nur-Sultan men Soltústik Qazaqstan oblysy. Álemde naýqastanýdyń kóbeıýin eskersek, sanıtarlyq-epıdemıologııalyq talaptardy saqtaýdy jalǵastyrý qajet. Ǵımarattarda, qoǵamdyq kólikte betperde kııý jáne adamdar kóp jınalatyn jerlerde áleýmettik araqashyqty saqtaý qatań túrde mindetteledi», dedi Asqar Mamın búgin Úkimet otyrysynda.

Onyń dereginshe, qazirgi ýaqytta 9 mln-nan astam adam vaksınanyń birinshi komponentin aldy. Bul 18 jastan asqan halyqtyń 80 paıyzyna jýyǵy. Shamamen 8,5 mln adam ekinshi komponent saldyrdy. Bul - 75 paıyz.

«Jappaı revaksınalaý boıynsha jumysty kúsheıtý kerek. Kelesi jyldyń birinshi jartyjyldyǵynda shamamen 9 mln adam revaksınalaýdan ótýi qajet. Aqparat, Densaýlyq saqtaý mınıstrlikteri jáne ákimdikter halyq arasynda revaksınalaý qajettiligi týraly aqparattyq túsindirý jumysyn belsendi júrgizýi tıis», degen Úkimet basshysy bul tapsyrmalardy baqylaýdy orynbasary Eraly Toǵjanovqa júktedi.



 

Sońǵy jańalyqtar

Elorda «jasyl» aımaqqa ótti

Koronavırýs • Keshe

Uqsas jańalyqtar