2015 jyly Energetıka mınıstrligi Semeı polıgonynyń jerlerin Aýyl sharýashylyǵy maqsatynda paıdalanýǵa tyıym salǵan bolatyn. Bıyl óńirdiń kóptegen aýdandarynda aýa men sýdyń jaǵdaıy adamdarǵa qaýip tóndirmeıtini habarlandy. Osy arada vedomstvo basshysy polıgon jerlerin paıdalanýǵa ruqsat berý jóninde túsinikteme berdi.
Mınıstrdiń aıtýynsha, atalǵan máseleni retteıtin zań jobasy QR Parlamenti Májilisiniń qaraýynda jatyr.
«Qazir Májiliste mınıstrlik ázirlegen jańa zań jobasy talqylanýda. Bul Semeı polıgony boıynsha máselelerdi retteıtin zań jobasy bolady. Biz tıisti taldaý júrgizdik. Onyń málimetinshe, Semeı polıgonynyń jalpy aýdany 18 myń sharshy shaqyrymdy quraıdy. Olardyń jartysy aýyl sharýashylyǵynyń paıdasyna berilýi múmkin ýchaskeler. Iаǵnı, osy zań jobasy Májilis pen Senatqa ótkennen keıin atalǵan ýchaskeler paıdalanýǵa beriledi dep úmittenemiz», dedi Energetıka mınıstri.
