Jıyn barysynda TMD-ǵa múshe memleketterdiń basshylary 2021 jylǵy yqpaldastyqty qorytyndylap, aldaǵy kezeńdegi ózara tıimdi yntymaqtastyqty odan ári nyǵaıtý jáne damytý, sondaı-aq ekonomıkalyq jáne mádenı-gýmanıtarlyq salalardaǵy birlesken jobalardy júzege asyrý jónindegi ortaq jospardy talqylady.
Memleketter basshylary ózara saýda-sattyqty jandandyrý sharalaryn qarastyryp, halyqaralyq jáne aımaqtyq kún tártibindegi ózekti máseleler boıynsha pikir almasty, sondaı-aq pandemııanyń saldaryn eńserý jáne bıologııalyq qaýipsizdikti qamtamasyz etý jónindegi birlesken is-qımyldardy talqylady.
Qazaqstan Prezıdenti bıologııalyq qaýipsizdikti qamtamasyz etý jónindegi ózekti máseleniń kezdesýde qarastyrylǵany úshin Reseı tarapyna rızashylyǵyn bildirip, osy saladaǵy yntymaqtastyq týraly tıisti kelisimge UQShU aıasynda qol qoıylǵanyn eske saldy. Memleket basshysy pandemııa kezinde kómek kórsetkeni úshin Reseı Prezıdenti Vladımır Pýtınge alǵys aıtty.
«Qazaqstanǵa qıyn kezeńde qoldaý kórsetkenińiz úshin rızashylyǵymdy bildiremin. Ortaq ýaǵdalastyqty oryndaý maqsatymen Qaraǵandyda reseılik Spýtnık V tehnologııasy negizindegi birlesken óndiristi jolǵa qoıa aldyq. Spýtnık V vaksınasy COVID-19 indetiniń taralýyna tosqaýyl qoıý isinde sheshýshi ról atqardy dep aıtýǵa bolady», dedi Prezıdent.
Qasym-Jomart Toqaev elimizdiń Uıymǵa kelesi jylǵy tóraǵalyǵy barysynda Qazaqstan TMD aıasyndaǵy kópjaqty yntymaqtastyqty odan ári damytýǵa daıyn ekenin aıtty.
