Aımaqtar • 28 Jeltoqsan, 2021

Almatyda jańa turpatty mektepter ashyldy

126 ret kórsetildi

Almatynyń eki aýdanynda 3300 oryndy jańa mektep ashyldy. Osy jyly Almatyda qalalyq bıýdjet esebinen 18 oqý orny salynyp, onda 11 563 oqýshy úshin qolaıly jaǵdaılar jasalǵan.

Qala ákimi Baqytjan Saǵyntaev jumys sapary kezinde Naýryzbaı aýdany Qalqaman-2 shaǵyn aýdanda ashylǵan 1800 oryndy №206 jáne Alataý aýdanynyń Tomırıs shaǵyn aýdanynda salynǵan №205 mektep jumysymen tanysty. Zamanaýı jıhazdarmen, qajetti oqý qurylǵylarymen jabdyqtalǵan bul mektepte 1500 bala bilim alatyn bolady.k

Tolyqtaı jabdyqtalǵan mektep kelesi toqsannan bastap qabyldaýǵa daıyn. Qazirgi kezde oqýshylardyń tizimi jasaqtalýda. Aıta keterligi, jańa mektepter tıptik jobalar boıynsha salynbaǵan. Jobalaý kezinde oqý oryndaryna qoıylatyn jańa standarttar arnaıy ázirlenip, qabyldandy. Olar zamanaýı sáýlet, oılastyrylǵan dızaın, keń synyptar men qoǵamdyq keńistigi bar ergonomıkalyq ınterermen erekshelenedi. Joba avtorlary ár orynnyń aýqymdylyǵyna qoljetkizýdi maqsat etti. Munda bal arasynyń uıasy tárizdi kabınetter erekshe nazar aýdartady.  Bul nysan úı-jaılardyń barynsha tabıǵı jaryqtandyrylýyn qamtamasyz etýge múmkindik berdi. Keń dálizder mektep ishinde erkin júrýge múmkindik beredi.Munda balalar men muǵalimderdiń jaılylyǵy úshin barlyǵy jasalǵan. Mektepterde sport zaldary, ashana, zerthana jáne basqa da synyptar qarastyrylǵan. Stadıondary jaraqtanǵan mektepterdegi barlyq keńistikter barynsha kógaldandyrylǵan. Face ID zaýamanýı júıesi qaýipsizdik úshin asa qolaıly.  Ata-analar balalardyń mekteptegi ýaqytynan habarlamalar ala alady. Úsh jaqtan kiretin jeke toptar qaýipsiz sanıtarlyq-epıdemıologııalyq rejimdi qamtamasyz etýge múmkindik alady. Eske sala keter bolsaq, buryndary Naýryzbaı aýdanynnyń Aqjar shaǵyn aýdanynda №186 mekteptiń jańa korpýsy ashylǵan bolatyn. Al kelesi jyly Qalqaman shaǵyn aýdanda 1500 oryndy mekteptiń, Qarǵaly shaǵyn aýdanyndaǵy «Zerde» jeke menshik mektebiniń, Shuǵyla shaǵyn aýdanynda 1200 jáne 1500 oryndy eki mekteptiń, Quramys shaǵyn aýdanynda 1200 oryndy mektepiń qurylystaryn aıaqtaý, №15 sanatorlyq-mektep ınternatty rekonstrýsııalaý josparlanyp otyr.

Sonymen qatar, Alataý aýdanynda bıyl 125 oryndy №166 mekteptiń jańa korpýsy paıdalanýǵa berildi. Saıaly, Nurkent, Darhan jáne Rahat-Mádenıet shaǵyn aýdandarynda 6300 oryndy 4 mekteptiń qurylysy júrgizilýde. Olardy 2022 jyly aıaqtaý josparlanǵan.

Sonymen qatar, Saıaly-2 shaǵyn aýdanynda 550 oryndy jáne Zerdeli shaǵyn aýdanynda 600 oryndy mektep qurylystarynyń jospary ázirlenýde. Shapaǵat shaǵyn aýdanynda 600 oryndy mektep qurylysy úshin №150 mektepke irgeles jer ýchaskelerin satyp alý boıynsha jumystar júrgizilýde.

 

Sońǵy jańalyqtar

Qazaqstanda et qymbattady

Qoǵam • Búgin, 15:10

Elimizde kıik sany kóbeıip keledi

Qazaqstan • Búgin, 14:41

ShQO-da elikti atqan brakoner sottaldy

Qoǵam • Búgin, 11:20

Uqsas jańalyqtar