«Tileýhan Bekbolat Qanaıuly ókilettigin toqtatý týraly ótinish berdi. Konstıtýsııa babyna sáıkes, ókilettigin merziminen buryn toqtatý týraly ótinish berilýine baılanysty usynys engizedi», dedi Ortalyq saılaý komıssııasynyń múshesi Asylbek Smaǵulov.
Sondaı-aq, Bekbolat Tileýhan depýtattyq qyzmetten ketýin túsindirip, jańa qyzmetin aıtty.
«Negizgi sebep, jasyrmaı-aq qoıaıyn, densaýlyǵyma baılanysty. Biraz demalǵym keledi. Keshendi emdeýden ótpekpin. Bul jóninde Elbasyna, Memleket basshysyna baıandadym. Munda densaýlyq máselesi ǵana emes», deıdi ol.
Bekbolat Tileýhan jańa qyzmetke taǵaıyndalǵanyn da aıtty.
«Men sııaqty adamdar bos júre almaıdy. Sonymen qatar, buǵan deıin Dúnıejúzilik etnosport konfederasııasynyń prezıdenti Erdoǵan myrzanyń Ortalyq Azııa etnosport komıtetin basqarýyna usynys kelip tústi. Qazir meni Dúnıejúzilik etnosport konfederasııasynyń vıse-prezıdenti etip taǵaıyndady. Bizde belgili bir kelisimder bar, men birtindep soǵan ótemin», dedi ol.
