Bul jańashyldyq 29 jeltoqsannan bastap kúshine enetin zań jobasynda qarastyrylǵan. Jańa erejeler zańsyz ımmıgranttardy tártipke keltirýge, ultaralyq qaqtyǵystardyń aldyn alýǵa jáne jańa ınfeksııalarǵa tosqaýyl qoıýǵa kómektesedi, dep jazady Parlamenttik gazet.
Sonymen, Reseı Federasııasyna jumysqa kelgen sheteldikter kirgen sátten bastap 30 kún ishinde daktıloskopııadan ótýi kerek. Basqa maqsattarmen kelgenderge saýsaq izderin tapsyrý merzimi 90 kúnge deıin belgilengen.
Memlekettik Dýmanyń pikirinshe, daktıloskopııalyq tirkeý qylmyskerler men terrorıstik uıymdarǵa qatysy bar adamdardy anyqtaý boıynsha jumysty aıtarlyqtaı jeńildetedi.
Sondaı-aq, jańa normalar boıynsha sheteldikter medısınalyq kýálandyrýdan ótýi tıis. Merzimi birdeı - jumysshylar úshin 30 kún, qalǵandary úshin - 90 kún.
Mıgranttardy dárigerdiń taǵaıyndaýynsyz esirtki nemese psıhotroptyq zattardy paıdalaný faktisiniń bolýy nemese bolmaýy, sondaı-aq aınalasyndaǵylar úshin qaýipti juqpaly aýrýlar jáne AITV-ınfeksııasy tekseriledi.
Erejeler Reseıge eńbek qyzmeti úshin kelmegen sheteldikterge qoldanylmaıdy, eger olar:
- Belarýs azamattary bolyp tabylsa;
- Olar halyqaralyq uıymdardyń laýazymdy tulǵalary bolyp, óz mindetterin oryndaý úshin Reseıge kelse;
- Alty jasqa jetpese.
Sondaı-aq, qujatta Reseıdiń jekelegen sýbektilerinde federaldy memlekettik ýnıtarlyq kásiporyndar ishki ister salasyndaǵy aýmaqtyq organdarǵa daktıloskopııany júrgizýge járdemdesýi kerek delingen.
Bul is-sharalardan ótý úshin Reseıge kelgen sheteldikter ishki ister mınıstrliginiń aýmaqtyq organyna, vedomstvolyq baǵynysty kásiporynǵa nemese ýákiletti uıymǵa jeke júginýi kerek.
Reseıge 90 kúnnen astam ýaqytqa kelgen eńbek mıgranttary men sheteldikter eki prosedýradan bir ret ótedi.
Olarǵa daktıloskopııadan ótkeni týraly tıisti qujat beriledi.
