Osylaısha, sottalǵandardyń jazany óteý tártibin buzýynyń aldyn alý jáne jolyn kesý, mekeme ákimshiligi tarapynan azaptaýlarǵa jáne ózge de quqyqqa qaıshy áreketterge jol bermeý úshin dárethanalardy, jýynatyn jáne sebezgi bólmelerin, monshalardy jáne uzaq kezdesý bólmeleriniń jatyn úı-jaılaryn qospaǵanda, QAJ mekemelerine beınekameralar ornatylady.
Bul rette sottalǵandardy syrtqy dene tekserýi júzege asyrylatyn úı-jaılar ekrandarmen jabdyqtalady.
Áıelderdi ustaýǵa arnalǵan mekemeler men úı-jaılarda operatorlar áıel qyzmetkerlerdi taǵaıyndaıdy.
Beıne muraǵatynyń saqtalý merzimi keminde 60 táýlikti quraıdy.
Jazbalardyń kóshirmelerin berý qylmystyq-atqarý júıesiniń joǵary turǵan organdarynyń, qylmystyq qýdalaý organdarynyń, sottyń, prokýratýranyń, sondaı-aq advokattardyń jáne jábirlenýshiler ókilderiniń resmı suraý salýy boıynsha Qylmystyq-prosestik kodekste kózdelgen tártippen júrgiziledi.
Buıryq 2022 jylǵy 9 qańtardan bastap qoldanysqa engiziledi.
