Aımaqtar • 30 Jeltoqsan, 2021

Almatyda taǵy eki metro stansasy iske qosyldy

54 ret kórsetildi

Megapolıs ákimi Baqytjan Saǵyntaev metropolıtenniń jańa stansııalarynyń daıyndyǵyn tekserip, olardyń tehnıkalyq iske qosylýyna qatysty, dep habarlaıdy Egemen.kz.

Jańa stansalar - Almaty metropolıteniniń ekinshi iske qosý kesheni. Onyń daıyndyǵy qazirgi kezde - 96 paıyz. Jol Abaı dańǵylynyń astynda, Y.Altynsarın dańǵylynan Iаssaýı kóshesine deıingi batys baǵytta ornalasqan.

Aralyq tonnelderden jáne «Saryarqa» jáne «B. Momyshuly» eki stansııadan turady. Jeli ýchaskesiniń uzyndyǵy – 3,8 shaqyrym.

«Saryarqa» stansııasy «Femılı» parkiniń aýdanynda ornalasqan, tereń tóselgen, pılon tıpti, qozǵalysy shekteýli toptary úshin 2 lıfti, 8 ekskalatory bar eki kirý tobynan turady.

«B. Momyshuly» stansııasy Abaı dańǵylynyń astynda, B. Momyshuly kóshesiniń batysynda ornalasqan. Shaǵyn qurylys stansııasy, kolonna tıpti. Ol eki jerasty lobbıinen jáne alty kirý tobynan turady. 6 lıft jáne 15 eskalator qarastyrylǵan. Búginde negizgi qurylys-montajdaý jumystary aıaqtaldy jáne iske qosý-jóndeý jumystary bastaldy, sáýlet-árleý jumystary, ınjenerlik jeliler, avtomatıka júıeleri jáne paıdalaný jabdyǵyn montajdaý aıaqtalý satysynda.

Metropolıten jolaýshylaryna jaıly jáne qaýipsiz jaǵdaılar jasaý úshin qoldanystaǵy metropolıtenmen avtomat jabdyqtary men júıelerin biriktirýdi, sondaı-aq elektr jyljymaly qurammen joldar boıynsha domalatýdy qamtıtyn iske qosý-jóndeý jumystary qarastyrylǵan. Bul stansııalar qalanyń halyq tyǵyz ornalasqan aýdandarynda ornalasqan, paıdalanýǵa berý kezinde kútiletin jolaýshylar aǵyny kúnine 40 myń adamnan 86 myń adamǵa deıin artady, bul jalpy qalanyń kóshe-jol jelisi men kólik ınfraqurylymynyń júktemesin birneshe ese azaıtady.

Eske salsaq, buǵan deıin Táýelsizdiktiń 30 jyldyǵyna oraı, Tuńǵysh Prezıdent kúni men Almaty metropolıteniniń 10 jyldyǵyna oraı 8 jańa elektr jyljymaly quram paıdalanýǵa berilgen bolatyn. Olardy ońtústik koreıalyq Hyundai Rotem kompanııasy Almaty metropolıteni úshin arnaıy óndirgen.

Búginde metropolıtende 15 poıyz jumys isteıdi.

Sońǵy jańalyqtar

Almaty zoobaǵy qonjyqpen tolyqty

Ekologııa • Búgin, 19:10

Dollar taǵy qymbattady

Qarjy • Búgin, 16:55

Elimizdiń basym bóliginde jańbyr jaýady

Aýa raıy • Búgin, 16:39

Almatyda sýburqaqtar iske qosylady

Aımaqtar • Búgin, 16:11

Uqsas jańalyqtar