Bul óńirde qazaqtyń uly aqyny Abaı Qunanbaıulynyń esimimen 5 mektep pen 28 kóshe atalady. Al, byltyr oıshyldyń esimi Atyraý qalasynda boı kótergen oqýshylar men jastar saraıyna berildi. Soǵan baılanysty nysannyń ataýy Abaı ortalyǵy bolyp ózgertildi.
Qazir bul ortalyqta 30 baǵytty qamtıtyn 100-ge jýyq úıirme bar. Úıirmelerde 800-ge jýyq oqýshy óner, shyǵarmashylyq, tehnologııa, kórkem-estetıka, sport, áskerı-patrıottyq, ekologııa-bıologııa baǵytynda qosymsha bilim alady.
Al, búgin atalǵan ortalyq aldyna Abaıdyń eńseli eskertkishi qoıyldy. Eskertkish qoladan quıylǵan. Onyń avtory – músinshi Asqar Nartov.
