Oqıǵa • 30 Jeltoqsan, 2021

Almatyda qarjy pıramıdalaryn uıymdastyrǵan tórt adam sottaldy

47 ret kórsetildi

Almatyda qarjy pıramıdalaryn uıymdastyrǵan tórt adam sottaldy, dep habarlaıdy Egemen.kz.

Almaty qalalyq PD Tergeý basqarmasynyń málimetinshe, qarjy pıramıdasyna qatysty tórt qylmystyq is aıaqtalǵan.

Osy qylmystar nátıjesinde 500-ge jýyq adam zardap shekken. Keltirilgen shyǵynnyń jalpy somasy - 1,5 mıllıard teńge.

«Olardyń biri - 33 jastaǵy A.Lım esimdi azamat, 2017 jyldyń aqpanynan 2018 jyldyń tamyzyna deıin alaıaqtyq maqsatta azamattardyń qarajatyn alyp otyrǵan. Keıin "LS ins" JShS qurǵan. Azamattar salǵan qarajatty tolyq kólemde qaıtaratynyna jalǵan kepildik berip, sporttyq oıyndarǵa aqsha tigý arqyly paıda kórgisi kelgen. Ol salynǵan qarajat boıynsha syıaqyny kez kelgen ýaqytta, túrli tásilmen, onyń ishinde kartaǵa, bank shotyna nemese keńsege aýdarý arqyly alýǵa bolatynyn aıtqan.  Aldanǵan azamattardyń aryzdary boıynsha 188 qylmystyq is tirkelgen. Jalpy keltirilgen shyǵyn - 1 440 281 000 teńge», dedi Almaty qalalyq PD bastyǵynyń orynbasary Rústem Ábdirahmanov.

Almaly aýdandyq sotynyń qaýlysymen Lım A. esimdi azamat 6,5 jylǵa bas bostandyǵynan aıyryldy.

Sonymen qatar, Tergeý basqarmasynda D.Aldabergenovaǵa qatysty qylmystyq is qozǵaldy. Ol áleýmettik jeli arqyly ınvestısııalyq joba ashylǵanyn málimdegen.

«Joba býkmekerlik keńselerde, sondaı-aq, ártúrli bıznes jobalarǵa aqsha tigip, salym salý arqyly qarajatty kóbeıtýge baǵyttalǵan. Salymshylar 30 paıyz jáne 50 paıyz paıda alý úshin D.Aldabergenova jáne basqa adamdardyń bank kartalaryna aqsha aýdarǵan. Biraq olar qarajatty aýdarsa da, paıda kórmegen. Kúdikti Almaly aýdandyq sotynyń sheshimimen 6 jyl 8 aıǵa bas bostandyǵynan aıyryldy», dedi Ábdirahmanov.

 

 

 

Sońǵy jańalyqtar

Almaty zoobaǵy qonjyqpen tolyqty

Ekologııa • Búgin, 19:10

Dollar taǵy qymbattady

Qarjy • Búgin, 16:55

Elimizdiń basym bóliginde jańbyr jaýady

Aýa raıy • Búgin, 16:39

Almatyda sýburqaqtar iske qosylady

Aımaqtar • Búgin, 16:11

Uqsas jańalyqtar