QR Úkimetiniń qaýlysymen gaz salasyn damytýdyń keshendi jospary bekitildi. Gaz salasyn damytýǵa qatysty barlyq máseleler boıynsha baǵdarlamadan basqa, jospar tarmaqtarynyń biri «QazTransGaz» UK» AQ eski ataýyn jáne logotıpin ózgertýine qatysty.
Kompanııa ókilderi túsindirgendeı, rebrendıng tek ataýy men logotıpine ǵana qatysty bolmaıdy, ol ishki bıznes-prosesterdiń basym bóligine de áser etedi. Osylaısha, «QazaqGaz» Ulttyq kompanııasy búkil otandyq gaz salasy damýynyń jańa kezeńin bastap otyr. Keshendi jospardy iske asyra otyryp, kompanııa ózin ishki jáne halyqaralyq naryqtarda jańasha kórsetetin bolady.
«QazaqGaz» ataýy men jańa fırmalyq belgi kompanııa bıznesiniń baǵyttaryn neǵurlym aıqyn kórsetedi.
Logotıptiń negizgi semantıkalyq mazmuny alaý otyn bildiretin belgi boldy, al spıraldaǵy pleksýs dınamıkalyq qozǵalys pen damýdy bildiredi. Logotıptiń negizi retinde alynǵan jalynnyń tili - kúnniń sımvoly, tazartý belgisi jáne ata-babalarǵa tabyný zaty, úıge jylylyq pen jaılylyq ákeletin ot. Qasıetti nyshan retinde otqa degen kózqaras ejelgi zamannan beri túrki halyqtarynyń salt-dástúrlerinde bolǵan. Bul rette kompanııanyń fırmalyq belgisinde kógildir jáne jasyl reńkterdiń bolýy tabıǵı gazdyń ekologııalylyǵyn bildiredi, bul búgingi kúni álemdik trend bolyp tabylady.
