Bir jyldyń ishinde qala ómirine qatysty 5 myńnan astam aqparat daıarlanyp, buqaraǵa jetkizildi.
«Shahar basshysynyń jumys saparlarynan reportajdar shyǵaryp, basqarma basshylarymen jáne aýdan ákimderimen tikeleı efırler júrgizildi. Kún tártibine aınalǵan máseleler boıynsha aqparattyq grafıkalar jarııalady», dep jazdy Shymkent qalasy ákiminiń baspasóz hatshysy Beken Qonys óziniń Facebook paraqshasynda.
Osylaısha, Shymkent basshysynyń baspasóz qyzmeti megapolıstiń jańa dáýirin jazyp keledi.
«Osy sátte, «jumyla kótergen júk jeńil» degendeı, ujymyma alǵys aıta otyryp, aldaǵy Barys jyly da búgingi bıigimizden túspeı, barshańyzdyń qoldaýlaryńyzben alǵa umtylamyz degen senimdemin. Shymkent jaıly jaǵymdy habarlar kóp bolsyn!», dep qosty Beken Qonys.
