Karamat Shalabaeva: 2022 – bereke men otbasy jyly

– Karamat Sattarqyzy, Sizdi jańa kelgen jylmen jáne Muzzone telear­nasy jobasynyń jeńimpazy bolýy­ńyzben quttyqtaımyz. Sońǵy jyl­dary ný­merologııa arqyly is josparlaý, tip­ten jeke ómirge qatysty ózgeris­terdi boljaýǵa jıi júginetinder qatary kóbeıýde. Ný­merologııany birqatar zert­teýshiler kóne ǵylymǵa jatqyzsa, endi birqatary onyń jaǵymsyz jaq­taryn tilge tıek etedi. Jal­py, bıyl qa­zaqstandyqtardyń ómirine sandardyń áseri qandaı bolmaq?

– Bizdiń jyl sanaýymyz boıynsha bıyl barys jyly. Barys – qazaqy uǵym­da kıeli ań. Bul jyly úlken bet­burystar, kvanttyq serpilis pen túr­lený jyly jalǵasyn tabady. Barys jylynda týǵandar tynymsyz bolǵanymen, qajyrly, qaıratty bolyp keledi. Jyldyń tabıǵı belgisi aǵash bolǵandyqtan, aǵashtaı myǵym, ıilmeıtin kúsh kerek. Jyl qýanysh pen jaqsylyqqa toly bolady. Kóptegen juptar otbasyn quryp, baqytty neke qurady. Ádemilik, molshylyq uǵymy da osy jylǵa tán. Astrologııa boıynsha qoıý kókshil, qońyr, jasyl túster tartymdy bolmaq. Eki jyl qatarynan álem COVID-19 pandemııasynyń zardabyn shekti. Saldarynan jaqyn adamdarymyzdan aıyryldyq. Áli de pandemııanyń áserinen aryla qoıǵan joqpyz. Sondyqtan densaýlyqqa muqııat bolý mańyzdy. Ásirese, áıel adamdardyń óz den­saýlyǵyna saq bolǵany jón. Osy kúr­deli kezeńde adamzat meıirimdilikke, qaıy­rym­dylyqqa muqtaj ekenine kóz jetkizdi. Bıyl rý­hanı dúnıemizge kóp kóńil bóletin jyl. Ja­handaný – jańa múm­kindikter kezeńi. Al onyń jańa­lyq­taryn meńgerý úshin adamzat ta jańa­ryp, óz baǵdaryn damytyp otyrýy zań­dylyq. Bul – jańa daǵdylardy meńgeretin kezeń.

– Qazaq halqy sandarǵa asa mán ber­geni belgili. Sandardyń ǵajaıyp erek­shelik­teri, matematıkalyq máni týraly ǵa­lymdar kóptegen zertteýler júr­gizdi. Bir­aq nýmerologııany kóp­shi­lik tabys tabýǵa negizdelgen ádis re­tinde ǵana qabyldaıdy.

– Nýmerologııany kóne ǵylym desek qatelespeımiz. Búginde nýmerologııany dinge qaıshy dep qabyldaıtyndar bar. Ábjad esebine sáıkes ertedegi ǵylymı tabıǵı, dinı túsinikter búgingi ǵylym turǵysynan tereń zertteldi. Ár nárseniń óz ólshemi bar ekeni anyqtaldy. Adamzat ómirin sandarsyz elestetý qıyn. 1-den 9-ǵa deıingi sandar kúndelikti tirshiliktiń barlyq salasynda qol­danylady. Ejelgi dáýirlerde de ártúrli qubylystardy sandar arqyly sıpattap, ýaqytty, keńistikti anyqtaý úshin erekshe mánge ıe bolǵanyn bilemiz. Mysaly, kıeli Túrkistan 13 degen sanǵa ıe. Sońǵy kezde «jomart juma» degendi jıi qoldanyp júrmiz. Jumanyń bulaı atalýynyń da ózindik máni bar. Osy tusta aıta ketetin jaıt, adamnyń rýhanı bolmysynyń sandarmen úılesim tabýy mańyzdy bolmaq. Eger adam rýhanı kemeldense, bilimge keńinen jol ashylady. Adamnyń osy bir qıyn kezeńde ózin-ózi tanýy mańyzdy. Bilim alý, densaýlyǵyn jaqsartý, jaqsy daǵdylarǵa mashyqtaný ýaqyt talaby. Jaratýshy adamzat balasyna qandaı qıyndyq júktemesin, sony sanaly túrde qabyldaı bilip, ary qaraı jaqsarýdyń jolyn izdeý eńbekti, jaýapkershilikti talap etedi. Árqaısymyz úshin rýhanı jáne materıaldyq úılesim mańyzdy. Eki dúnıeniń rahaty adamzat úshin meıirimdilik, qaıyrymdylyq uǵymdarymen ǵana jarasym tabady. Muq­taj­darǵa, jetimderge, qarttarǵa kómek­tesý – ár adamnyń osy ómirdegi basty mıssııasy.

– Nýmerologııany jastaıyńyzdan zertteı bastaǵan ekensiz. Onyń qyr-sy­ryn meńgerý úshin qandaı talaptar qajet?

– Men mektepte oqyp júrgenimde sandar arqyly kóp nárseni boljaı alatyn boldym. Bala jastan dáriger bolýdy armandadym. Bir jyldaı osy salada bilim alyp, keıinnen otbasy jaǵdaıymen oqýdy jalǵastyrmadym. Jıyrma jasymnan bastap, ásirese kishkentaı balalardaǵy kóz tıgendi emdeı bastadym. Keıinnen nýmerologııany tereńdete oqyp, zertteý óte qyzyqty boldy. Ǵarysh pen jer keńistigi arasyndaǵy tyǵyz baılanys maǵan erekshe bir energııa tartý etkendeı áser etti. Osylaısha, adamdarǵa kómektesý ómirlik ustanymyma aınaldy.

– Sizdiń Úndistanda, álemniń eń jum­baq ólkesi bolyp tabylatyn Tıbette bilim alǵa­nyńyzdan habardarmyz. Teta-hılıng tehnıkasyn meńgerýdiń ereksheligi týraly jıi aıtyp júrsiz. Bul ádispen emdeýdiń qandaı paıdasy bar?

– Jalpy, bul baǵyttaǵy alqashqy bilimimdi elimizde bastap, Úndistanda jal­ǵastyrdym. Teta-hılıngti Máskeýde meńgerdim, al Tı­bette «reıkı» energe­tıkalyq kúsh pen san­dardyń adam ómirine áseri týraly bilimdi jetildirdim. Tıbette túrli aýrýlardy emdeý tehnı­­ka­synyń 4 kezeńinen óttim. «Reıkı-em» medısınanyń balama túri, munda ala­qan arqyly qashyqtyqta turyp emdeý ádisi qoldanylady. Energııany durys baǵyttaýǵa, densaýlyqty jaqsartyp, mol qarjy tabýǵa yqpal etedi. О́mirlik energııasy az adamdarǵa paıdasy zor. Kez kelgen adam ómirinde sátti jáne sátsiz kezeńderdi bastan keshiredi. Teta-hılıng kómegimen ómirdegi sátsizdikterdiń sebebin anyqtaýǵa bolady. Adamdardy bir-birine jaqyndatyp, densaýlyǵyn jaqsartyp, tabys tabýǵa yntalandyratyn teta-hılıng tehnıkasynyń mamany Vıanna Stıbldiń shákirtinen sabaq aldym. Bul adamdy saýyq­tyrýdyń jáne onyń ómirlik energııasyn belsendirýdiń erekshe ádisi.

– Al bıznesti damytýǵa sandardyń qandaı áseri bar? Kásip tabysty bolýy úshin qandaı esepterge júgingen jón?

– Nýmerologııada ınvestısııa salýdy, qonys aýdarý jáne bıznesti qandaı orynda bastaýǵa bolatynyn anyqtaýǵa bolady. Ár adam­nyń sáttilik sandary bar. Osy tusta taǵy da aıta ketetin másele, qaıyrymdylyq ja­saý arqyly adam óz ómirindegi jaǵymsyz kezeń­derden aryla alady. Bul bir kúngi aksııa emes, ómir boıy jalǵasyp otyratyn ıgi is. Bıylǵy jyl jup sandardan turatyndyqtan, jup bolyp jumys istegen tıimdi. Kez kelgen adam boıdaǵy múmkinshiligin tusap tastamaı, úlken tabysqa jetý múmkindigine ıe. Men negizinen Pıfagor matrısasy arqyly klassıkalyq nýmerologııa boıynsha keńes berip kelemin. Bıznes bastap, damytý úshin ol adamnyń ishki kodymen erekshe úılesim ta­býy qajet. Keńes surap kelgenderge durys jospar túzýge baılanysty jón silteımin. Qazaqta «Jeti ret ólshep, bir ret kes» degen uǵym bar. Al qazaqy uǵymdaǵy kez kelgen tir­kestiń fılosofııalyq máni tereńde jatyr. Son­dyqtan ár adam óz ómirine jaýapty bola oty­ryp, densaýlyǵyna, istegen isine baıyppen qarap, barystaı saq qımyldap, josparly qa­dam jasaı bilse, ómiriniń jaqsara túsetini anyq.

– Áńgimeńizge rahmet.