Mádenıettilik – mindetimiz

Mádenıet! Osy sózdi kúndelikti ómirimizge baılanystyryp qoldansaq, mádenıetti, mádenıettilik, mádenıetimiz degen keń uǵymdarǵa enip ketemiz. Elbasy sońǵy Joldaýynda elimizde osy mádenıetti damytýǵa da jańasha serpin berdi. Sol úshin de Úkimetke mádenı saıasattyń uzaq merzimdi tujyrymdamasyn ázirleýdi tapsyrdy. О́rkenıeti ozyq 30 eldiń arasynan oryn alý úshin mádenıetimiz de soǵan saı bolý kerek ekendigine Elba­sy barshamyzdyń nazarymyz­dy aýdardy. Sebebi, adam balasynyń atam zamannan beri talpynǵany sol mádenıettiń shyn maǵynasyndaǵy dárejesine jetý. Mádenıetti bolý, onyń belgili satysyna taban tirep, ilgeri órmeleı berý zamanymyzdyń jáne ómirdiń aldymyzǵa qoıatyn negizgi talaby. Adamnyń mádenıetti bolýy qaı kezde de mańyzyn joǵaltqan emes jáne joǵaltpaıdy da. Sońǵy kezderde kópshiliktiń oıyna jıi oralyp júrgen, ara­myzdaǵy ósip kele jatqan keı­bir jastardyń boıyndaǵy bir­shama keleńsiz kórinister – quqyq­buzýshylyq, ártúrli qatygezdilik, ádepsizdik. Ádepsizdik degende, ásirese, qyz balalardyń boıyndaǵy tósin ashyp, kindigin baqyraıtyp, sanyn jarqyratyp, ashyqtan-ashyq qymsynbaı, qoǵamdyq jerlerde erekshe kózge túsýi. Bul kórinister bizdiń dástúrimizde ádepsizdik ekendigi atap kórsetilip, qoǵamda, bu­qaralyq aqparat quraldaryn­da syn-eskertpe aıtylyp, tal­qylanyp jatyr. Keleshekte osy is-sharalar nátı­jesin de berer degen oıdamyn. Degenmen, bul jerde jastardyń jas ereksheligin eskerip, birshama keshirimdilikpen de qaraıtynymyz jasyryn emes. Solaı dep bul kórinisti jastardyń arasynda atqarylatyn is-sharalardyń enshisine qaldyraıyq. Al endi osyndaı ádepsizdik kóri­nisteri óner salasynda qyzmet etip júrgen qyz-kelinshekterdiń boıy­nan da kezdesetindigine ne jo­ryq. Naqtylaı aıtsam, sońǵy kez­deri kıeli sahnanyń tórin­de, te­le­dıdar ekrandarynda jar­qy­ra­­typ ashyq qaldyryp, kórer­men­der­diń kóz aldyna tosyp, qary­nyn, bel­derin ashyp qoıyp bı bı­­lep, án shyr­qaıtyn ánshilerdiń sany kún­nen-kúnge kóbeıip keledi. Sahna­da turyp, ózderiniń osyndaı kó­rinis­terin yńǵaısyz dep sana­maı­­­tyndyǵyna janyń ashıdy. Bul qan­­daı ádeptilikke, qandaı má­­de­­nıettilikke jatady dep oıǵa qala­syń. Bunyń bir sebebin elik­­teýshilikten izdep tabýǵa bolady. Biz­diń bir kemshiligimiz, elik­teýge jaqyn turamyz ǵoı. Osylaı kórinisimen án salyp, bı bılep, óner salasynda júrgender, arnaıy oqý oryndarynda dáris alyp sahnaǵa shyqqandar bizdiń qazaqtyń atyn dúnıe júzindegi sahnalarda pash etip, óner kórsetkenderdiń, bul kúnderi aramyzda joq, halyq­­­­tyń qurmetine bólengen Kúlásh Baıseıitova, Jamal Omarova, Rahııa Qoıshybaeva, Roza Baǵlanova sııaqty óner tulǵalarynyń, qazirgi kezde kózi tiri, aramyzda bıik sah­nalarda óz ánderimen halyqqa qyz­met etip júrgen, halyqtyń qur­metine bólengen Bıbigúl Tóle­genova, Roza Rymbaeva, Maq­pal Júnisova, Tamara Asar, Qara­qat Ábildına sııaqty óner sańlaq­ta­rynyń ómir jolynan ónege alma­ǵandary ma degen oı keldi. Qorytyp aıtqanda, óner degen qubylys – mádenıettiń bir salasy. О́ner adamdarynyń, ásirese, qyz-kelinshekterdiń, aldymen, ádepti, mádenıetti bolýlaryn aldyna maqsat etip qoıǵandary abzal shyǵar! Batyrhan О́MIRZAQOV, otstavkadaǵy mılısııa polkovnıgi, Ishki ister mınıstrliginiń qurmetti ardageri. ShYMKENT.