Zańsyz áreketke barǵandar jedel járdem kóliginiń qyzmetine kedergi jasap, medısına qyzmetkerleriniń durys jumys isteýine múmkindik bermeı, zııan tıgizýde. Bul týraly Almaty qalasy Komendatýrasynyń aqparattyq ortalyǵy málimet taratty.
Almaty qalasy qoǵamdyq densaýlyq basqarmasy keltirgen derekterge zer salsaq, tártip buzýshylar emhanalar men aýrýhanalarǵa erkin kirip, medısına mekemeleriniń múlikterine aıtarlyqtaı zııan keltirgen.
«Zańsyz áreketter nátıjesinde jedel járdemniń 5 qyzmetkeri, onyń ishinde 2 júrgizýshi men 3 medısına qyzmetkeri zardap shekti. Zardap shekkender qalalyq stasıonarlarǵa jetkizildi», delingen habarlamada.
Odan bólek, 2 jedel járdem kóligi búlingen. Sonymen qatar, qalalyq kardıologııalyq ortalyqta qabyldaý bólmesi men klınıkalyq-dıagnostıkalyq bólimsheniń áınekteri synǵan. Saldarynan №7 QKA qabyldaý bólmesine pasıentpen jedel járdem kóliginiń qatynaýy toqtaǵan.
«Mundaı áreketterdiń saldarynan pasıentterge ýaqtyly medısınalyq kómek qıyn. Azamattardyń densaýlyǵy men ómirine qaýip tóndiredi», delingen qoǵamdyq densaýlyq basqarmasynyń habarlamasynda.
