Is-sharalarǵa satyp alynǵan bıletterdi qaıtarý jáne aýystyrý rásimderi olardyń ótkizilgen orny boıynsha eldegi tótenshe jaǵdaı aıaqtalǵan soń júzege asyrylady.
Qazirgi ýaqytta týrızm salalaryndaǵy jáne qyzmet kórsetý obektilerinde, onyń ishinde jekelegen aımaqtardaǵy belsendi demalys obektilerin qospaǵanda, ornalastyrý oryndary, týrıstik bazalar, sanatorly-kýrorttyq obektiler, demalys aımaqtary óz jumystaryn shtattyq rejımde jalǵastyrady.
Sonymen qatar, aqysy tólengen demalystar qunyn qaıtarý nemese qolaıly merzimge aýystyrý múmkindigi tótenshe jaǵdaı aıaqtalǵan soń qoldanystaǵy zańnama aıasynda júrgiziledi.
Búgingi kúni shetelde 7636 qazaqstandyq týrıst bar. Elde tótenshe jaǵdaı engizilýine baılanysty, shet elderden týrıstterdi qaıtarý algorıtmi qarastyrylýda.
