«Qurmetti Prezıdent myrza, Qurmetti depýtattar! Maǵan artqan senimderińiz úshin alǵysymdy bildirgim keledi. Bul Men úshin úlken jaýapkershilik. Búgingi tańda Memleket basshysynyń basshylyǵymen beıbitshilik pen kelisimdi, eldiń táýelsizdigin, ulttyq qaýipsizdikti nyǵaıtý úshin óz halqyn tyńdaıtyn memleket qurýǵa baǵyttalǵan ózgerister bolyp jatyr. Azamattardyń barlyq zańdy talaptary tyńdalyp, iske asyrylatyn bolady. Prezıdent myrza, sizdiń eldegi áleýmettik jaǵdaıdy turaqtandyrý, halyqtyń ál-aýqatyn arttyrý jónindegi tapsyrmalaryńyz Úkimet úshin basym mindet bolady. Úkimet Prezıdenttiń ótinishteri, usynylǵan reformalar, osy tapsyrmalar jáne barlyq strategııalyq jáne baǵdarlamalyq qujattar boıynsha mindetterdi iske asyratyn bolady», dedi QR Premer-Mınıstri.
Álıhan Smaıylovtyń aıtýynsha, tıimdi makroekonomıkalyq saıasatty iske asyrý, jahandyq ózgeristerge baılanysty bolǵan ınflıasııa deńgeıin tómendetý jáne makroekonomıkalyq turaqtylyqty qamtamasyz etý basym mindetter bolyp tabylady.
