«2016 jyldan bastap qazirgi ýaqytqa deıin kádege jaratý tólemi túrinde túsken qarajat 691,9 mıllıard teńge. Alynǵan qarajat Qazaqstannyń qoldanystaǵy zańnamasyna sáıkes qatań tártipte jumsalady. Atap aıtqanda, otandyq avtoóndirýshilerge 338,9 mıllıard teńge mólsherinde kádege jaratý túrindegi buryn tólengen qarajat qaıtaryldy, ekologııalyq máselelerdi sheshýge - 102 mıllıard teńge jáne salyqqa - 49,1 mıllıard teńge baǵyttaldy», dedi mınıstr úkimet otyrysynda.
Vedomstvo basshysynyń aıtýynsha, qalǵan 220,6 mıllıard teńge ekinshi deńgeıli bankterde jatyr. Brekeshev vedomstvo jeke memlekettik operator qurý máselesin pysyqtaıtynyn aıtty.
«Mınıstrlik qoǵam, bıznes jáne memlekettik organdar ókilderimen birlesip, jeke memlekettik operator qurý nemese ónerkásipti damytý qory bazasynda, kádege jaratý koeffısıentterin qaıta qaraý, sondaı-aq otandyq KO men aýyl sharýashylyǵy tehnıkasyn satyp alýshylarǵa vaýcherler usyný boıynsha máseleni pysyqtaıdy», dedi Brekeshev.
«Operator ROP» JShS Ekologııalyq kodekstiń 387-babyna sáıkes úkimettiń 2015 jylǵy 30 jeltoqsandaǵy qaýlysyna sáıkes qurylǵan.
