Memlekettik mekeme mindeti salmaqty

Memleket basshysy Nursultan Nazarbaev «Qazaqstan Respýblıkasynyń Tuńǵysh Prezıdenti – Elbasynyń kitaphanasy» memlekettik mekemesiniń keıbir máseleleri týraly» Jarlyqqa qol qoıdy, dep habarlady Prezıdenttiń baspasóz qyzmeti. Memleket basshysynyń Jar­ly­ǵymen «Nazarbaev ortaly­ǵy» kópfýnksııaly ǵylymı-tal­damalyq jáne gýmanıtarlyq-aǵartýshylyq memlekettik meke­mesi arqaýynda «Qazaqstan Res­pýb­lıkasynyń Tuńǵysh Prezıdenti – Elbasynyń kitaphanasy» mem­lekettik mekemesin qurý qaras­tyrylady. «Qazaqstan Respýblıkasynyń Tuńǵysh Prezıdenti – Elba­synyń kitaphanasy» mem­le­kettik mekemesi Qazaqstan Res­pýblıkasynyń Tuńǵysh Pre­zıdenti – Elbasynyń jeke ki­tap­hanasy men jeke mu­ra­ǵatynyń jumysyn qamtamasyz etý, Qa­zaqstannyń qalyptasý jáne da­mý tarıhyn zertteý, sondaı-aq, Qazaqstan Respýblıkasynyń Tuń­ǵysh Prezıdenti – Elbasynyń ıdeıa­lary men bastamalaryn el ishin­de jáne shetelderde ǵylymı-tal­damalyq jáne aqparattyq-ımıdj­dik ilgeriletý maqsatynda quryldy. Sonymen qatar, Qazaqstan Res­­pýb­lıkasynyń Úkimetine bir­qatar tapsyrma, sonyń ishinde Qazaqstan Respýblıkasy Mádenıet mınıstrliginiń «Astana» ulttyq sýret galereıasy» respýblıkalyq memlekettik mekemesin qurý jó­ninde tapsyrma berildi. Qazaqstan Respýblıkasy Pre­­zıd­enti Keńsesiniń Bastyǵy M.B.Qa­­sym­bekovke «Qazaqstan Res­pýb­lıkasynyń Tuńǵysh Prezı­denti – Elbasynyń kitaphanasy» memlekettik mekemesiniń dırektory mindetin atqarý júkteldi.