Respýblıkalyq komıssııanyń otyrysy

Qazaqstan Respýblıkasy Prezıdenti Ákimshiliginiń Basshysy – Qa­zaq­stan Respýblıkasy Memlekettik hatshysynyń mindetin ýa­qytsha atqarýshy Kárim Másimovtiń tóraǵalyǵymen Shetelde kadr­lar daıarlaý jónindegi respýblıkalyq komıssııanyń otyrysy ótti, dep habarlady Prezıdenttiń baspasóz qyzmeti. Otyrys barysynda Qazaqstan Prezıdentiniń bastamasymen júzege asyp kele jatqan «Bo­lashaq» halyqaralyq stıpendııasyn odan ári jetildirý jónindegi usynystar qaraldy. 2014 jyldan bastap magıstratýrada oqý jáne taǵylymdamadan ótý úshin shet tilin bilýdiń qa­jetti bastapqy deńgeıi IELTS 9.0 baldan – 3.0-den 4.0. balǵa deıin, al rezıdentýrada, doktorantýrada oqýǵa – 5.0 balǵa deıin ulǵaıtyldy. Sondaı-aq, memlekettik tildi bilý jónindegi barlyq sanattaǵy úmitkerlerge eń tómengi talaptar arttyryldy. QazTest júıesi boıynsha eń tómengi deńgeı – 150 baldan 85-ke deıingi baldy qurady. Oqý jáne tildik kýrstardan ótý úshin usynylatyn she­tel­dik jetekshi joǵary oqý oryn­darynyń, sheteldik uıymdardyń tizimi qaıta qaraldy.  2014 jyly tizim 17 ýnıversıtetpen tolyqtyrylyp, 8-i alynyp tas­taldy. Shetelde taǵylymdamadan ótý ornyna qoıylatyn talaptardyń ólshemi bekitildi. Atap aıtqanda, taǵylymdamalar tek qana jetek­shi sheteldik joǵary oqý oryndary men olardyń janyndaǵy medı­sınalyq mekemelerdiń baza­synda, sondaı-aq, álemge tany­mal óńirlik ǵylymı-zertteý orta­lyqtarynda, kompanııalar men salalyq uıymdarda júzege asyry­latyn bolady. Buǵan qosa, stıpendııadan aıy­rýǵa jáne Komıssııaǵa kelip túsken ótinishterdi qaraýǵa baılanysty máseleler qaraldy.